რაგბი: ბორჯღალოსნებმა ნიდერლანდების გუნდი გაანადგურეს

© photo: Sputnik / Stringerრაგბი. საქართველოს ნაკრები
რაგბი. საქართველოს ნაკრები - Sputnik საქართველო, 1920, 12.02.2023
გამოწერა
ქართველი მორაგბეები ნიდერლანდების გუნდს ექვსჯერ შეხვდნენ, ხუთი მატჩი ჩვენი სპორტსმენების გამარჯვებით დასრულდა
თბილისი, 12 თებერვალი - Sputnik. საქართველოს მორაგბეთა ეროვნულმა ნაკრებმა ევროპის ჩემპიონატის ჯგუფური ეტაპის მეორე ტურში ამსტერდამში ნიდერლანდების ნაკრები ანგარიშით 40:8 დაამარცხა.
საქართველოს ნაკრებს ევროპის ჩემპიონატი 14-ჯერ აქვს მოგებული. 2018 წლიდან ბორჯღალოსნები პრესტიჟული ტიტულის ერთპიროვნული მფლობელები არიან.
გერმანიასთან მოგების შემდეგ (75:12) ლევან მაისაშვილმა სასტარტო შემადგენლობაში ათი ცვლილება შეიტანა. ხაზის მოთამაშეებიდან ძირითად შემადგენლობაში ადგილი მხოლოდ აკა ტაბუცაძემ და ოთხმა მორაგბემ - ნიკა აბულაძემ, კოტე მიქაუტაძემ, გიორგი ცუცქირიძემ და ბექა საგინაძემ შეინარჩუნეს.
ქართველი მორაგბეები ნიდერლანდების გუნდს ექვსჯერ შეხვდნენ, ხუთი მატჩი ჩვენი სპორტსმენების გამარჯვებით დასრულდა. ერთადერთი მარცხი 1995 წელს დაფიქსირდა - ეს იყო საქართველოს ნაკრების ერთ-ერთი პირველი გასვლითი მატჩი და მეტოქემ ამსტერდამში ანგარიშით 55:3 გაიმარჯვა.
ნიდერლანდების ნაკრებმა პირველი ტაიმი ანგარიშით 12:3 წააგო. მასპინძლები მეტოქეზე არანაკლებ სახიფათოდ უტევდნენ, ბორჯღალოსნებმა კი ბევრი შეცდომა დაუშვეს. თუმცა შესვენების შემდეგ საქართველოს ნაკრების კლასმა და უპირატესობამ თავისი სათქმელი თქვა.
მომდევნო მატჩს საქართველოს ნაკრები 18 თებერვალს სტუმრად ესპანეთის ნაკრების წინააღმდეგ გამართავს. მატჩი თბილისის დროით 22:00 საათზე დაიწყება.
ყველა ახალი ამბავი
0