რუსეთის საგარეო უწყება: რუსი სამშვიდობოებისთვის გაერო მანდატის მინიჭება საჭირო არ არის

© photo: Sputnik / Vitaliy Belousov
  - Sputnik საქართველო, 1920, 08.02.2023
გამოწერა
თბილისი, 8 თებერვალი — Sputnik. მთიან ყარაბაღში რუსი სამშვიდობოებისთვის გაეროს მანდატის მინიჭება საჭირო არ არის, ბაქოც და ერევანიც ეთანხმებიან მათი მუშაობის მოდალობას და მხარს უჭერენ მას, განაცხადა რუსეთის საგარეო საქმეთა სამინისტროს წარმომადგენელმა პიოტრ ილიჩევმა.

„მთიანი ყარაბაღის კონფლიქტის ზონაში სტაბილურობის შენარჩუნების ერთადერთ გარანტად რუსეთის სამშვიდობო კონტინგენტი რჩება. არ არის საჭირო მისთვის გაეროს მანდატის მინიჭება, რადგან ჩვენი სამშვიდობოების საქმიანობის მოდალობა უკვე ნათლად არის დაფიქსირებული რუსეთის, აზერბაიჯანისა და სომხეთის ლიდერების პირველ სამმხრივ განცხადებაში, რომელიც 2020 წლის 9 ნოემბერს გაკეთდა. ამიტომ მოდავე მხარეთა შორის კონსენსუსი შეინიშნება და ეს ფაქტი აქ საკვანძოა“, — განაცხადა ილიჩოვმა.

მისი თქმით, განსაკუთრებით უნდა აღინიშნოს, რომ „რუსი სამშვიდობოების საქმიანობას მხარს უჭერენ როგორც ბაქოში, ისე ერევანში, რასაც გადამწყვეტი მნიშვნელობა აქვს იმ პირობებში, როცა ტერიტორიის საბოლოო სტატუსი გაურკვეველია“.
მანამდე, იანვრის დასაწყისში სომხეთის პრემიერ-მინისტრმა ნიკოლ ფაშინიანმა განაცხადა, რომ მთიან ყარაბაღში რუსი სამშვიდობოების მანდატის ამოწურვის შემდეგ შესაძლოა გაეროს უშიშროების საბჭოში მოთხოვნა წარადგინონ რეგიონში საერთაშორისო სამშვიდობო კონტინგენტის გაგზავნის შესახებ.
გარდა ამისა, ფაშინიანმა უფრო ადრე მოუწოდა რუსეთს, დაეყენებინა გაეროს უშიშროების საბჭოში ყარაბაღის საკითხი. მისი თქმით, მოსკოვის ინიციატივა უნდა შეხებოდა „რუსეთის სამშვიდობო კონტინგენტისთვის გაეროს უშიშროების საბჭოს მანდატის მინიჭების საკითხს, ან ყარაბაღში დამატებითი სამშვიდობო მრავალეროვნული კონტინგენტის გაგზავნას“.
ამის პასუხად რუსეთის პრეზიდენტის პრეს-მდივანმა დმიტრი პესკოვმა განაცხადა, რომ საერთაშორისო სამშვიდობოების ჩართვა ყარაბაღში მხოლოდ კონფლიქტის ყველა მხარის თანხმობით შეიძლება.
ყველა ახალი ამბავი
0