მიანიშნებს თუ არა ძილში კბილების კრაჭუნი ჭიებზე: ექიმ კომაროვსკის პასუხი

CC BY 2.0 / Flickr/ Gerry Thomasen / Snaggle toothბავშვის სარძევე კბილები
ბავშვის სარძევე კბილები  - Sputnik საქართველო, 1920, 03.02.2023
გამოწერა
თბილისი, 3 თებერვალი — Sputnik. გადაჭარბებული არ იქნება, თუ ვიტყვით, რომ მოსაზრება, თითქოს ძილში კბილების კრაჭუნი ჭიებითაა გამოწვეული, საყოველთაოდაა გავრცელებული და მყარად ფესვგადგმულიც. თანაც არა მხოლოდ მშობლებში, არამედ თავად სამედიცინო საზოგადოების წარმომადგენლებს შორისაც.
მაგრამ ამას კატეგორიულად არ ეთანხმება უკრაინის უმაღლესი კატეგორიის პედიატრი ევგენი კომაროვსკი, რომელიც დაინტერესებულ მშობლებს ასეთ პასუხს აძლევს:

„კბილების კრაჭუნს არაფერი აქვს საერთო მიკრობებთან; კბილების კრაჭუნს არაფერი აქვს საერთო ჭიებთან!“

მისი თქმით, კბილების კრაჭუნი – ასაკობრივი თავისებურებაა, რომელიც ძალიან ბევრ ბავშვში იჩენს ხოლმე თავს.
როგორც ექიმი განმარტავს, ზოგჯერ ძილში კბილების კრაჭუნს სიმაღლეში აქტიურ ზრდას უკავშირებენ, ზოგჯერ – კალციუმის დეფიციტს, „მაგრამ ამაში აბსოლუტურად არაფერია საშიში და საშინელი“.
„თუ თქვენი შვილი ძილში კრაჭუნს დაიწყებს, კარგი იქნება, თუ კვალიფიციურ სტომატოლოგს მიუყვანთ, რათა დარწმუნდეთ, რომ ბავშვს კბილები წესრიგში აქვს და არ დაუზიანებია. შეგიძლიათ მისცეთ კალციუმის გლუკონატი. სხვა არაფრის გაკეთება საჭირო არ არის, იმიტომ რომ ეს არანაირად არ არის სახიფათო! ეს დროებითი მოვლენაა და მალე გაივლის“, – ამბობს ცნობილი პედიატრი და მშობლებს ურჩევს, არ ინერვიულონ.
ყველა ახალი ამბავი
0