მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გამაფრთხილებელი წერილი გაეროს: ირანი ისპაჰანის ტერაქტში ისრაელს ადანაშაულებს

© photo: Sputnik / Anton Denisov / გადასვლა მედიაბანკში
  - Sputnik საქართველო, 1920, 02.02.2023
გამოწერა
თბილისი, 2 თებერვალი — Sputnik. ისპაჰანის სამხედრო ობიექტზე თავდასხმაზე ისრაელია პასუხისმგებელი, მიაჩნია გაეროში ირანის მუდმივ წარმომადგენელს საიდ ირავანს.
ამის თაობაზე ირანელი დიპლომატი გაეროს უშიშროების საბჭოს თავმჯდომარისადმი მიწერილ წერილში აცხადებს.

„წინასწარმა გამოძიებამ აჩვენა, რომ ქალაქ ისპაჰანში ირანის თავდაცვის სამინისტროს ობიექტზე განხორციელებულ ტერორისტულ თავდასხმაზე პასუხისმგებელი სიონისტური რეჟიმია, რომელიც საერთაშორისო კანონებს არღვევს“, — ციტირებს სააგენტო ISNA ირავანს.

როგორც წერილშია ნათქვამი, ირანს აქვს საერთაშორისო სამართალსა და გაეროს წესდებაზე დაფუძნებული კანონიერი და განუყოფელი უფლება, „დაიცვას თავისი ეროვნული უსაფრთხოება და მტკიცე პასუხი გასცეს სიონისტური რეჟიმის ნებისმიერ სამართალდარღვევასა და მისგან მომდინარე საშიშროებებს — როცა ამას აუცილებლად მიიჩნევს“.
ამასთან ირავანი მოუწოდებს გაეროს უშიშროების საბჭოს, შეასრულოს თავისი ვალდებულებები და დაგმოს ისრაელის „სიონისტური ხელისუფლების მტრული განცხადებები“.
ირანის ქალაქ ისპაჰანში მდებარე სამხედრო ქარხანაში ძლიერი აფეთქება კვირას, 29 იანვრის ღამით მოხდა. მოგვიანებით ქვეყნის თავდაცვის სამინისტრომ განაცხადა, რომ სამხედრო ობიექტს დრონებით შეუტიეს, თუმცა ერთი დრონი ჩამოაგდეს, ორი კი თავდაცვის სისტემის ხაფანგში მოხვდა და აფეთქდა.
წყარო: ISNA
ყველა ახალი ამბავი
0