მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ამერიკული კომპანია მზადაა უკრაინას მოწინავე დრონები 1 დოლარად მიჰყიდოს

CC BY-SA 2.0 / Alan Wilson / General Atomics MQ-9A-1 ReaperGeneral Atomics MQ-9A-1 Reaper
General Atomics MQ-9A-1 Reaper  - Sputnik საქართველო, 1920, 02.02.2023
გამოწერა
თბილისი, 2 თებერვალი — Sputnik. ამერიკული კომპანია General Atomics Aeronautical Systems, რომელიც მოწინავე მოიერიშე და სადაზვერვო დრონებს აწარმოებს, მზად არის მიჰყიდოს ორი უპილოტო საფრენი აპარატი უკრაინას მხოლოდ 1 დოლარად, და მოუწოდებს თეთრ სახლს, დაამტკიცოს ეს გარიგება, წერს ამერიკული მედია.
როგორც კომპანიაში აცხადებენ, ის უკვე რამდენიმე თვის განმავლობაში მოუწოდებს ვაშინგტონს, მიაწოდოს უკრაინას მის მიერ წარმოებული მძლავრი დრონები Grey Eagle და Reaper, რომლებიც აშშ-ის ძალებმა ძალიან ეფექტურად გამოიყენეს ავღანეთში, სირიაში, ერაყსა და სამხედრო კონფლიქტების სხვა ზონებში დაზვერვისა და წერტილოვანი დარტყმებისთვის.
მწარმოებლის განცხადებით, შორი მანძილის ამ დრონს მნიშვნელოვანი ტექნოლოგიური უპირატესობები აქვს, რაც ასე სჭირდება უკრაინას რუსეთთან ბრძოლაში.
პენტაგონმა მანამდე უკრაინას უკვე მიაწოდა რამდენიმე მცირე მოიერიშე და მზვერავი დრონი, მაგრამ არა General Atomics-ის დრონების მსგავსი, რომლებიც მოწინავე ტექნოლოგიებითაა აღჭურვილი და მოქმედების დიდი დიაპაზონი აქვთ.
General Atomics-ის დირექტორ ლინდენ ბლუს თქმით, კომპანია მზადაა სიმბოლურ ფასად — 1 დოლარად გადასცეს კიევს თავისი ორი უპილოტო საფრენი აპარატი მართვის სადგურთან და სხვა აღჭურვილობასთან ერთად.
ამასთან, კომპანიაში აცხადებენ, რომ უკრაინელ სამხედროებს დრონების მართვა-გამოყენებას თავადვე შეასწავლიან სრულიად უფასოდ. უკრაინას მხოლოდ უპილოტო აპარატების ტრანსპორტირების ხარჯები ექნება დასაფარი.
ყველა ახალი ამბავი
0