კვარაცხელია „ნაპოლის“ გამარჯვებაში დაეხმარა

© AP Photo / Peter Dejongხვიჩა კვარაცხელია
ხვიჩა კვარაცხელია - Sputnik საქართველო, 1920, 30.01.2023
გამოწერა
სწორედ კვარაცხელიამ შექმნა პირველი საშიში მომენტი რომაელების კართან.
თბილისი, 30 იანვარი — Sputnik. „ნაპოლის“ ქართველი ლეგიონერი ხვიჩა კვარაცხელია გაციების შემდეგ მინდორზე დაბრუნდა და „რომას“ წინააღმდეგ სერია А-ს მე-20 ტურის მატჩში ნეაპოლელების ძირითად შემადგენლობაში ითამაშა.
სწორედ კვარაცხელიამ შექმნა პირველი საშიში მომენტი რომაელების კართან – მე-5 წუთზე ის მარცხენა ფლანგიდან საჯარიმოში შევიდა და მარცხენა ქვედა კუთხეში დაარტყა, მაგრამ „რომას“ მეკარე რუი პატრისიომ ბურთი კუთხურზე მოიგერია.
ქართველი ნახევარმცველი მე-17 წუთზე ისევ მარცხენა ფლანგიდან საჯარიმოში შევიდა და ბურთი ვიქტორ ოსიმენს გადასცა. ნიგერიელმა თავდამსხმელმა გოლი გაიტანა და „ნაპოლი“ დაააწინაურა - 1:0. კვარაცხელიას ანგარიშზე მორიგი ასისტი ჩაიწერა.
54-ე წუთზე კვარაცხელიას გოლის გატანის შანსი ჰქონდა ლოზანოს პასის შემდეგ, მაგრამ მან მომენტი გაუშვა ხელიდან. ქართველი 69-ე წუთზე შეცვალეს.
„კვარას“ მოედნიდან გასვლის შემდეგ ექვს წუთში „რომამ“ ანგარიში გაათანაბრა (1:1). თუმცა 86-ე წუთზე „ნაპოლიმ“ ისევ მოახერხა გატანა, გოლი ჯოვანი სიმეონეს ანგარიშზეა. შესაბამისად, დაფიქსირდა მატჩის საბოლოო ანგარიში - 2:1. სპალეტის გუნდმა მნიშვნელოვანი სამი ქულა ჩაიწერა.
20 ტურის შემდეგ „ნაპოლის“ 53 ქულა აქვს და სერია А-ს ლიდერია. მას 13 ქულით ჩამორჩება მეორე ადგილზე მყოფი „ინტერი“.
ამჟამად კვარაცხელიას ანგარიშზე იტალიის ჩემპიონატის 16 მატჩში შვიდი გოლი და რვა შედეგიანი გადაცემაა.
ეწვიეთ „Sputnik საქართველოს“ Telegram-არხს
ყველა ახალი ამბავი
0