„ცუდად გამოვიყურები“: ძებნილმა ქალმა პოლიციაში დარეკა და ფოტოს შეცვლა მოითხოვა
14:15 26.01.2023 (განახლებულია: 15:02 10.11.2023)
© Pexels / MART PRODUCTION
გამოწერა
ამ ისტორიების წაკითხვის შემდეგ პირველი ფრაზა, რაც შეიძლება ადამიანს მოუვიდეს თავში, ვფიქრობთ, ასეთი იქნება: „რას არ გაიგონებს კაცის ყური?!“
ოჰაიოს შტატის ქალაქ კოლუმბუსის პოლიციამ სოციალურ ქსელში 34 წლის მონიკა ჰარგროუვის ფოტო გამოაქვეყნა, რომელიც შეიარაღებული ძარცვის მუხლით იძებნებოდა. ფოტო რამდენიმე წლის წინანდელი იყო, რომელიც ქალისთვის წინა დაპატიმრების დროს გადაეღოთ და კარტოთეკაში შეეტანათ.
სოციალურ ქსელში სურათის განთავსებიდან რამდენიმე დღეში პოლიციის განყოფილებაში ტელეფონმა დარეკა: გაბრაზებული მონიკა ფოტოს შეცვლას მოითხოვდა, ამბობდა, მაგ სურათში ცუდად გამოვიყურები და სხვა დადეთო.
პოლიცია შეჰპირდა, მობრძანდით განყოფილებაში, ახალ სურათს გადაგიღებთ და იმას ავტვირთავთო და… მონიკაც მივიდა.
განყოფილებაში მისვლა და დაპატიმრება ერთი იყო — პოლიციას უკვე გაემზადებინა ორდერი. მერე ახალი ფოტოც გადაუღეს და ისიც შეინახეს კარტოთეკაში. თუმცა ძველი ფოტო სოცქსელის გვერდიდან არ მოუხსნიათ.
ირკვევა, რომ ეს ერთადერთი შემთხვევა არ არის, რომელმაც დამნაშავეს „შორს გაუთქვა სახელი“.
მაგალითად, კალიფორნიელი ჯერემი მიქსი ქალაქ სტოკტონში მოწყობილი სროლებისას დააკავეს და მისი ფოტო სხვა სამი დაკავებულის ფოტოებთან ერთად პოლიციის გვერდზე ატვირთეს.
I see incels use Jeremy Meeks, the memeable "hot felon," as an example of how women prefer criminals and/or how having a "bad personality" does not matter. I think he is probably a bad example of this. pic.twitter.com/C8FcFUvGL9
— Alexander (@datepsych) October 22, 2022
ჯერემიმ ისე მოხიბლა სოციალური ქსელის მომხმარებლები, რომ მოკლე ხანში ასობით ათასი მოწონება და ამდენივე აღფრთოვანებული კომენტარი დააგროვა. რაღა თქმა უნდა, მომწონებლების უდიდეს ნაწილს ქალბატონები შეადგენდნენ.
მსგავსი რამ მოხდა მაშინაც, როდესაც კანადის პოლიციამ 21 წლის დამნაშავე გოგონა სტეფანი ბოდუა გამოაცხადა ძებნაში. სტეფანი სისხლის სამართლის ერთი კი არა, მთელი 114 მუხლით იძებნებოდა.
Stéphanie Beaudoin | Accusée d’avoir commis 40 vols avec un adolescent et un petit chien http://t.co/jfjUlgVZo2 pic.twitter.com/C006j30hN4
— Le Journal de Montréal (@JdeMontreal) August 7, 2014
მასმედიამ სასწრაფოდ გაავრცელა პოლიციის განცხადება და თან სოციალური ქსელიდან აღებული ფოტოც დაურთო, რომელშიც სტეფანი შავ საცურაო კოსტიუმში იყო გადაღებული.
ალბათ, ზედმეტია იმის თქმა, რომ ამ ფოტომ დამნაშავე გოგონას სახელი კანადის საზღვრებს გადააცილა და მალე ის „ყველაზე სექსუალურ დამნაშავედ“ შერაცხეს.
