მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

დედამიწას ამაღამ ახლახან აღმოჩენილი ასტეროიდი „ეწვევა“ - უყურეთ ონლაინ რეჟიმში

© Pixabay / 9866112ასტეროიდი დედამიწასთან ახლოს
ასტეროიდი დედამიწასთან ახლოს - Sputnik საქართველო, 1920, 26.01.2023
გამოწერა
თბილისი, 26 იანვარი — Sputnik. ასტეროიდი 2023 BU, რომელიც პირველად გასულ კვირაში აღმოაჩინეს, 26-27 იანვრის ღამით მაქსიმალურად მოუახლოვდება დედამიწას.
ასტრონომების თქმით, ის ჩვენი პლანეტის ზედაპირიდან 3,5 ათასი კილომეტრის დაშორებით ჩაიფრენს, ანუ 30-ჯერ უფრო ახლოს, ვიდრე დედამიწიდან მთვარემდე მანძილია.
2023 BU მცირე ზომის ასტეროიდია. მისი დიამეტრი დაახლოებით 3,7-8,2 მეტრია. პერიგეის გავლისას ასტეროიდის სიჩქარე დედამიწის მიმართ 9,33 კმ/წმ-ს შეადგენს. დედამიწასთან მაქსიმალურად ახლოს ის 27 იანვრის 01:17 საათზე იქნება.
ასტეროდის ფრენა-მოახლოებას საიტი Virtual Telescope გადასცემს ონლაინ რეჟიმში. ტრანსლაცია თბილისის დროით 23:15 საათზე დაიწყება.
მეცნიერების თქმით, 2023 BU პლანეტისთვის საფრთხეს არ წარმოადგენს. როგორც მისი ტრაექტორიის სიმულაციამ აჩვენა, დედამიწასთან მისი შეჯახების ალბათობა უკიდურესად მცირეა. თანაც ამ ზომის ობიექტები, როგორც წესი, მთლიანად იწვება ატმოსფეროში.
ყველა ახალი ამბავი
0