https://sputnik-georgia.com/20230125/qartuli-rvino-safrangetis-dapyrobas-seecdeba-274225749.html
ქართული ღვინო საფრანგეთის დაპყრობას შეეცდება
ქართული ღვინო საფრანგეთის დაპყრობას შეეცდება
Sputnik საქართველო
ღვინის გამოფენაში საქართველოს 13 კომპანია მიიღებს მონაწილეობას. 25.01.2023-ს, Sputnik საქართველო
2023-01-25T10:24+0400
2023-01-25T10:24+0400
2023-01-25T15:46+0400
ქართული ღვინო
საქართველოს ეკონომიკა
ახალი ამბები
საქართველო
საფრანგეთი
https://cdnn1.img.sputnik-georgia.com/img/07e6/07/12/268640078_0:0:2500:1407_1920x0_80_0_0_c8653aad39c938e823718acf77cd17df.jpg
თბილისი, 25 იანვარი – Sputnik. ქართული ღვინის კომპანიები მონაწილეობას მიიღებენ საერთაშორისო გამოფენაში VinExpo Paris, რომელიც 13–15 თებერვალს პარიზში გაიმართება, ნათქვამია ღვინის ეროვნული სააგენტოს განცხადებაში.ქართული ღვინის პოპულარიზაცია და ბაზრების დივერსიფიკაცია ქვეყნის მთავრობის პრიორიტეტია. სტრატეგიულ ბაზრებზე ღვინის პოპულარიზაციისთვის ღვინის ეროვნული სააგენტო ყოველწლიურად 12 მილიონ ლარამდე ხარჯავს.სააგენტოს ინფორმაციით, მიმდინარე წელს ეს გამოფენა პირველი საერთაშორისო ღონისძიებაა, სადაც ქართული ღვინო იქნება წარმოდგენილი.პარიზის გამოფენაში 13 ქართული ღვინის კომპანია მიიღებს მონაწილეობას.ბაზრების დივერსიფიკაციის მიზნით ღვინის ეროვნული სააგენტო 2012 წლიდან ახორციელებს ქართული ღვინის პოპულარიზაციას სტრატეგიულ საექსპორტო ქვეყნებში. სახელმწიფო ბიუჯეტიდან ღვინის პოპულარიზაციისთვის გამოყოფილი თანხა 2012 წელს გამოყოფილი 1,5 მლნ ლარიდან 14 მილიონ ლარამდე გაიზარდა.რამდენს ხარჯავს საქართველო ღვინის პოპულარიზაციაზე>>ღვინის ეროვნული სააგენტოს მონაცემებით, 2022 წლის 11 თვეში საქართველოდან 91,4 მლნ ლიტრი ღვინოა ექსპორტირებული. ეს მოცულობა უკვე აღემატება 2021 წლის რეკორდულ მაჩვენებელს (80,5 მლნ ლ).2021 წელს საქართველომ 62 ქვეყანაში 107 მილიონი ბოთლი ღვინო გაიტანა, რაც 16%-ით აღემატება 2020 წლის ანალოგიურ პერიოდს. ეს მაშინ ქვეყნისთვის რეკორდული მაჩვენებელი იყო.რუსეთი კვლავ პირველ ადგილს ინარჩუნებს ქართული ღვინის იმპორტიორ ქვეყნებს შორის. რუსეთში ექსპორტირებულია 62 მილიონი ბოთლი – ექსპორტის მთლიანი მოცულობის 57%.ეწვიეთ „Sputnik საქართველოს“ Telegram-არხს
საქართველო
საფრანგეთი
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ქართული ღვინო, საქართველოს ეკონომიკა, ახალი ამბები, საქართველო, საფრანგეთი
ქართული ღვინო, საქართველოს ეკონომიკა, ახალი ამბები, საქართველო, საფრანგეთი
ქართული ღვინო საფრანგეთის დაპყრობას შეეცდება
10:24 25.01.2023 (განახლებულია: 15:46 25.01.2023) ღვინის გამოფენაში საქართველოს 13 კომპანია მიიღებს მონაწილეობას.
თბილისი, 25 იანვარი – Sputnik. ქართული ღვინის კომპანიები მონაწილეობას მიიღებენ საერთაშორისო გამოფენაში VinExpo Paris, რომელიც 13–15 თებერვალს პარიზში გაიმართება, ნათქვამია ღვინის ეროვნული სააგენტოს განცხადებაში.
ქართული ღვინის პოპულარიზაცია და ბაზრების დივერსიფიკაცია ქვეყნის მთავრობის პრიორიტეტია. სტრატეგიულ ბაზრებზე ღვინის პოპულარიზაციისთვის ღვინის ეროვნული სააგენტო ყოველწლიურად 12 მილიონ ლარამდე ხარჯავს.
სააგენტოს ინფორმაციით, მიმდინარე წელს ეს გამოფენა პირველი საერთაშორისო ღონისძიებაა, სადაც ქართული ღვინო იქნება წარმოდგენილი.
პარიზის გამოფენაში 13 ქართული ღვინის კომპანია მიიღებს მონაწილეობას.
„მსგავს ღონისძიებაში მონაწილეობა ზრდის ქართული ღვინის ცნობადობას საერთაშორისო მასშტაბით და მეწარმეებს ახალი სავაჭრო პარტნიორების მოძიების შესაძლებლობას აძლევს“, – ნათქვამია განცხადებაში.
ბაზრების დივერსიფიკაციის მიზნით ღვინის ეროვნული სააგენტო 2012 წლიდან ახორციელებს ქართული ღვინის პოპულარიზაციას სტრატეგიულ საექსპორტო ქვეყნებში. სახელმწიფო ბიუჯეტიდან ღვინის პოპულარიზაციისთვის გამოყოფილი თანხა 2012 წელს გამოყოფილი 1,5 მლნ ლარიდან 14 მილიონ ლარამდე გაიზარდა.
ღვინის ეროვნული სააგენტოს მონაცემებით, 2022 წლის 11 თვეში საქართველოდან 91,4 მლნ ლიტრი ღვინოა ექსპორტირებული. ეს მოცულობა უკვე აღემატება 2021 წლის რეკორდულ მაჩვენებელს (80,5 მლნ ლ).
2021 წელს საქართველომ 62 ქვეყანაში 107 მილიონი ბოთლი ღვინო გაიტანა, რაც 16%-ით აღემატება 2020 წლის ანალოგიურ პერიოდს. ეს მაშინ ქვეყნისთვის რეკორდული მაჩვენებელი იყო.
რუსეთი კვლავ პირველ ადგილს ინარჩუნებს ქართული ღვინის იმპორტიორ ქვეყნებს შორის. რუსეთში ექსპორტირებულია 62 მილიონი ბოთლი – ექსპორტის მთლიანი მოცულობის 57%.
