მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

საბძელში ნაპოვნი სკინტლით დაფარული ტილო ვან დეიკის ნახატი აღმოჩნდა - ფოტო

© photo: Sputnik / Sergey Piatakov / გადასვლა მედიაბანკში
  - Sputnik საქართველო, 1920, 24.01.2023
გამოწერა
НовостиTelegram
თბილისი, 24 იანვარი — Sputnik. ნიუ-იორკის შტატის დაბა კინდერჰუკის ერთ-ერთი ფერმის საბძელში ნაპოვნი ნახატი, რომელიც მთლიანად ქათმის სკინტლით იყო დაფარული, ცნობილი ფლამანდიელი მხატვრის ენტონი ვან დეიკის ადრეული ნამუშევარი აღმოჩნდა, იუწყება News Artnet.
ტილო ამ დროისათვის 3 მილიონ დოლარადაა შეფასებული, თუმცა მანამდე, 2002 წელს ის 600 დოლარად შეიძინა კინდერჰუკელმა კოლექციონერმა ალბერტ რობერტსმა. მისი ვარაუდით, ეს ჰოლანდიური ოქროს საუკუნის ეპოქის შედევრი უნდა ყოფილიყო, თუმცა ავტორის ვინაობა არ იცოდა.
ის ფაქტი, რომ ტილოს ავტორი ვან დეიკია, ხელოვნებათმცოდნე სიუზან ბარნსმა დაადასტურა. სპეციალისტის დასკვნით, მხატვარმა ის კარიერის დასაწყისში შექმნა და შემდგომში „წმინდა იერონიმის“ ესკიზად გამოიყენა, რომელიც რუბენსის ასისტენტად მუშაობის პერიოდში დახატა 1615-1618 წლებში. „წმინდა იერონიმი“ ამჟამად როტერდამის მუზეუმში ინახება.
საბძელში ნაპოვნი ვან დეიკის ტილო ამჟამად Sotheby’s Master Week-ზეა გამოფენილი, რომელიც ნიუ-იორკში იმართება.
ყველა ახალი ამბავი
0