რუსეთმა ანდრეი სახაროვის ფონდი არასასურველ ორგანიზაციად გამოაცხადა

© photo: Sputnik / Natalia Seliverstova / გადასვლა მედიაბანკშირუსეთის გენპროკურატურა
რუსეთის გენპროკურატურა - Sputnik საქართველო, 1920, 24.01.2023
გამოწერა
НовостиTelegram
თბილისი, 24 იანვარი — Sputnik. რუსეთის გენერალურმა პროკურატურამ არასამთავრობო ორგანიზაცია „ანდრეი სახაროვის ფონდის“ საქმიანობა არასასურველად გამოაცხადა, ნათქვამია უწყების საიტზე.

„მიღებული მასალების შესწავლის შედეგების საფუძველზე 23 იანვარს გენერალურმა პროკურატურამ მიიღო გადაწყვეტილება, არასასურველად ცნოს უცხოური არასამთავრობო ორგანიზაცია „ანდრეი სახაროვის ფონდის“ (აშშ) საქმიანობა რუსეთში“, – ნათქვამია განცხადებაში.

უწყების განმარტებით, ამ ორგანიზაციის საქმიანობა საფრთხეს უქმნის ქვეყნის კონსტიტუციური წყობასა და უშიშროებას.
კანონი „არასასურველი ორგანიზაციების შესახებ“ რუსეთში 2015 წელს მიიღეს. იმ ორგანიზაციების სიას, რომელთა საქმიანობა არასასურველად არის აღიარებული რუსეთის ფედერაციის ტერიტორიაზე, რუსეთის იუსტიციის სამინისტრო აწარმოებს. ამჟამად სიაში 70-ზე მეტი პოზიციაა.
ანდრეი სახაროვის ფონდის (Andrei Sakharov foundation) მიზანი ნობელის პრემიის ლაურეატის, რუსი აკადემიკოსის ანდრეი სახაროვის ხსოვნის შენარჩუნება, მისი იდეების პოპულარიზაცია და ადამიანის უფლებების დაცვაა. ფონდი 1989 წელს შეიქმნა ჯერ რუსეთში, შემდეგ კი, 1990 წელს ამერიკის შეერთებულ შტატებში. ორივე ფონდის ხელმძღვანელი აკადემიკოსის მეუღლე ელენა ბონერია.
ყველა ახალი ამბავი
0