https://sputnik-georgia.com/20230123/274163214.html
მოდსლის რეკორდი: პედოფილის მკვლელმა სამარტოო საკანში 45 წელი გაატარა - ფოტო
მოდსლის რეკორდი: პედოფილის მკვლელმა სამარტოო საკანში 45 წელი გაატარა - ფოტო
Sputnik საქართველო
თბილისი, 23 იანვარი — Sputnik. სერიულმა მკვლელმა რობერტ მოდსლიმ მარტოობის რეკორდი დაამყარა, გაატარა რა სამარტოო საკანში 16.400 დღე, რაც თითქმის 45 წელს უდრის... 23.01.2023-ს, Sputnik საქართველო
2023-01-23T17:00+0400
2023-01-23T17:00+0400
2023-07-20T15:49+0400
მსოფლიო დღეს
დიდი ბრიტანეთი
საზოგადოება
ახალი ამბები
მსოფლიოს ახალი ამბები
https://cdnn1.img.sputnik-georgia.com/img/22792/55/227925549_0:160:3073:1888_1920x0_80_0_0_6ff3c01f4b452ee7da7daea94f177e50.jpg
თბილისი, 23 იანვარი — Sputnik. სერიულმა მკვლელმა რობერტ მოდსლიმ მარტოობის რეკორდი დაამყარა, გაატარა რა სამარტოო საკანში 16.400 დღე, რაც თითქმის 45 წელს უდრის, იუწყება Daily Mirror.მოდსლი ამ დროისათვის 69 წლისაა. ის 1974 წელს დააკავეს მკვლელობისთვის და სამუდამო პატიმრობა მიუსაჯეს. 1978 წელს მან ორი თანამესაკნე მოკლა, რის შემდეგაც სამარტოო საკანში გადაიყვანეს.1983 წელს, მას შემდეგ, რაც ციხის თანამშრომლებმა, მათ შორის პარიკმახერებმა, უარი თქვეს მოდსლისთან საკანში შესვლაზე, უიკფლიდის ციხეში მისთვის სპეციალური კამერა ააგეს. ეს დაახლოებით 4,5X5,5 მ ფართობის საკანია ფოლადის კარით, დიდი ტყვიაგაუმტარი მინებით, დაპრესილი მუყაოს სკამითა და მაგიდით, იატაკში ჩაბეტონებული უნიტაზითა და პირსაბანით. საწოლის მაგივრად კი ბეტონის ფილა დევს.ამბობენ, რომ მოდსლის საკანი ძალიან ჰგავს ფილმ „კრავთა დუმილის“ გმირის ჰანიბალ ლექტორის საკანს. როგორც ერთხელ მისმა სამუდამო ბინადარმა თქვა, ამ კამერაში თავს ცოცხლად დამარხულად გრძნობს.სამარტოო საკნის პატიმარი პირველ წლებში ხშირად გზავნიდა წერილებს გაზეთებში და უკეთეს მოპყრობას ითხოვდა, თუმცა მისთვის არაფერი შეცვლილა. 2000 წელს მან სასამართლოს სთხოვა, შეეტანათ საკანში ტელევიზორი, ან თუთიყუშის ყოლის უფლება მიეცათ, რომელსაც „კი არ შეჭამდა, უბრალოდ ეყვარებოდა“.ამ წერილს მოდსლი ასრულებდა სიტყვებით:სასამართლომ მისი თხოვნის არცერთი პუნქტი არ დააკმაყოფილა და რობერტ მოდსლი დღემდე სამარტოო საკანში რჩება.როგორც ტელეკომპანია „მეხუთე არხს“ განუცხადა პატიმრის ძმისშვილმა გევინ მოდსლიმ, მისი ბიძა ნამდვილად არ იმსახურებს ესოდენ არაადამიანურ მოპყრობას, ვინაიდან მისი მსხვერპლი პედოფილი და მოძალადე იყო.მოდსლიმ პირველი მკვლელობა 1974 წელს ჩაიდინა მას შემდეგ, რაც მეგობარმა მამაკაცმა მას აჩვენა ფოტოები, რომლებზეც სექსუალური ძალადობის მსხვერპლი ბავშვები იყვნენ აღბეჭდილი. სავარაუდოდ, მოდსლის იმ მომენტში საკუთარი წარსული გაახსენდა და განრისხებულმა მამაკაცი ხელებით დაახრჩო. როგორც მან მოგვიანებით განაცხადა, ის ბავშვობაში გააუპატიურეს, რამაც დიდი გავლენა მოახდინა მისი პიროვნების ჩამოყალიბებაზე. დანარჩენი მკვლელობები რობერტ მოდსლიმ უკვე დაპატიმრების შემდეგ, ციხეში ჩაიდინა.წყარო: Daily Mirror
დიდი ბრიტანეთი
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
დიდი ბრიტანეთი , საზოგადოება, ახალი ამბები, მსოფლიოს ახალი ამბები
დიდი ბრიტანეთი , საზოგადოება, ახალი ამბები, მსოფლიოს ახალი ამბები
თბილისი, 23 იანვარი — Sputnik. სერიულმა მკვლელმა რობერტ მოდსლიმ მარტოობის რეკორდი დაამყარა, გაატარა რა სამარტოო საკანში 16.400 დღე, რაც თითქმის 45 წელს უდრის, იუწყება Daily Mirror.
მოდსლი ამ დროისათვის 69 წლისაა. ის 1974 წელს დააკავეს მკვლელობისთვის და სამუდამო პატიმრობა მიუსაჯეს. 1978 წელს მან ორი თანამესაკნე მოკლა, რის შემდეგაც სამარტოო საკანში გადაიყვანეს.
1983 წელს, მას შემდეგ, რაც ციხის თანამშრომლებმა, მათ შორის პარიკმახერებმა, უარი თქვეს მოდსლისთან საკანში შესვლაზე, უიკფლიდის ციხეში მისთვის სპეციალური კამერა ააგეს. ეს დაახლოებით 4,5X5,5 მ ფართობის საკანია ფოლადის კარით, დიდი ტყვიაგაუმტარი მინებით, დაპრესილი მუყაოს სკამითა და მაგიდით, იატაკში ჩაბეტონებული უნიტაზითა და პირსაბანით. საწოლის მაგივრად კი ბეტონის ფილა დევს.
ამბობენ, რომ მოდსლის საკანი ძალიან ჰგავს ფილმ „კრავთა დუმილის“ გმირის ჰანიბალ ლექტორის საკანს. როგორც ერთხელ მისმა სამუდამო ბინადარმა თქვა, ამ კამერაში თავს ცოცხლად დამარხულად გრძნობს.
სამარტოო საკნის პატიმარი პირველ წლებში ხშირად გზავნიდა წერილებს გაზეთებში და უკეთეს მოპყრობას ითხოვდა, თუმცა მისთვის არაფერი შეცვლილა. 2000 წელს მან სასამართლოს სთხოვა, შეეტანათ საკანში ტელევიზორი, ან თუთიყუშის ყოლის უფლება მიეცათ, რომელსაც „კი არ შეჭამდა, უბრალოდ ეყვარებოდა“.
ამ წერილს მოდსლი ასრულებდა სიტყვებით:
„თუ ციხის ხელმძღვანელობა ჩემს თხოვნაზე უარს იტყვის, მაშინ გთხოვთ მომცეთ კაფსულა კალიუმის ციანიდით, რომელსაც ხალისით მივიღებ და რობერტ ჯონ მოდსლის პრობლემას იოლად და სწრაფად გადავჭრი“.
სასამართლომ მისი თხოვნის არცერთი პუნქტი არ დააკმაყოფილა და რობერტ მოდსლი დღემდე სამარტოო საკანში რჩება.
როგორც ტელეკომპანია „მეხუთე არხს“ განუცხადა პატიმრის ძმისშვილმა გევინ მოდსლიმ, მისი ბიძა ნამდვილად არ იმსახურებს ესოდენ არაადამიანურ მოპყრობას, ვინაიდან მისი მსხვერპლი პედოფილი და მოძალადე იყო.
„მე არ ვაპატიებ იმას, რაც მან გააკეთა. მან ძალიან ცუდი რამ გააკეთა. მაგრამ მას არ დაუხოცავს ბავშვები ან ქალები. ადამიანი, რომელიც მან მოკლა, ნამდვილად ცუდი კაცი იყო“, — აღნიშნა გევინ მოდსლიმ.
მოდსლიმ პირველი მკვლელობა 1974 წელს ჩაიდინა მას შემდეგ, რაც მეგობარმა მამაკაცმა მას აჩვენა ფოტოები, რომლებზეც სექსუალური ძალადობის მსხვერპლი ბავშვები იყვნენ აღბეჭდილი. სავარაუდოდ, მოდსლის იმ მომენტში საკუთარი წარსული გაახსენდა და განრისხებულმა მამაკაცი ხელებით დაახრჩო. როგორც მან მოგვიანებით განაცხადა, ის ბავშვობაში გააუპატიურეს, რამაც დიდი გავლენა მოახდინა მისი პიროვნების ჩამოყალიბებაზე. დანარჩენი მკვლელობები რობერტ მოდსლიმ უკვე დაპატიმრების შემდეგ, ციხეში ჩაიდინა.
