სროლა საგარეჯოში: როგორია დაჭრილების მდგომარეობა

© photo: Sputnik / Nikolay Khizhnyak / გადასვლა მედიაბანკშიკლინიკაში
კლინიკაში - Sputnik საქართველო, 1920, 21.01.2023
გამოწერა
НовостиTelegram
ხუთიდან ოთხი დაშავებული ჯერჯერობით საავადმყოფოებში რჩება
თბილისი, 21 იანვარი — Sputnik. საგარეჯოში სროლის შედეგად მძიმედ დაჭრილი მამაკაცის მდგომარეობა შედარებით სტაბილურია, განაცხადა „ჯეო ჰოსპიტალსის“ კლინიკის ექიმმა მამუკა ოთიაშვილმა.
საგარეჯოში სროლის შედეგად ხუთი ადამიანი დაიჭრა. ამ დროისთვის საავადმყოფოებში მკურნალობას ოთხი პაციენტი აგრძელებს. სამის მდგომარეობა დამაკმაყოფილებელია, მეოთხე პაციენტი რეანიმაციაში რჩება.
„ჯეო ჰოსპიტალში“ საგარეჯოში სროლის შედეგად სამი დაჭრილი პირი მკურნალობს.
„მესამე პაციენტი, რომელიც რეანიმაციულ განყოფილებაში განაგრძობს მკურნალობას, მართვით სუნთქვაზე რჩება, თუმცა, პარამეტრები შედარებით დასტაბილურებულია და მეთვალყურეობისა ქვეშ იმყოფება. ეს პაციენტი არის 24 წლის ბიჭი. მას მუცლის ღრუზე ჩაუტარდა ოპერაცია, ასევე ჩატარდა არტერიისა და ვენის გადანერგვა“, - განუცხადა ჟურნალისტებს მამუკა ოთიაშვილმა.
ექიმმა ასევე აღნიშნა, რომ სამი პაციენტის მდგომარეობა საყურადღებოდა და მათი მკურნალობა კლინიკაში გაგრძელდება.
კიდევ ერთი დაშავებული, 18 წლის გოგონა, საგარეჯოდან თბილისში გადაიყვანეს. მისი მდგომარეობა დამაკმაყოფილებელია. გოგონას თვალის სასწრაფო ოპერაცია თბილისში ჩამოყვანისთანავე ჩაუტარდა. მედიკოსების ინფორმაციით, პაციენტს ბინაზე დღეს გაწერენ.
საგარეჯოში 48 წლის მამაკაცმა თავისი ბინის აივნიდან ავტომატით ცეცხლი გაუხსნა ეზოში მყოფ ადამიანებს, მოგვიანებით კი შემთხვევის ადგილზე მისულ პოლიციის თანამშრომლებსაც ესროლა. ოფიციალური მონაცემებით, დაიღუპა ხუთი ადამიანი, მათ შორის ერთი პოლიციელი. გარდა ამისა, გარდაცვლილია თავად მსროლელი – სავარაუდოდ, მან თავი მოიკლა.
ყველა ახალი ამბავი
0