ექიმებმა გოგონას ოპერაციის დროს მუცელში მაკრატელი ჩაუტოვეს

© photo: Sputnik / Pavel Bednyakov / გადასვლა მედიაბანკშისაავადმყოფოში
საავადმყოფოში - Sputnik საქართველო, 1920, 21.01.2023
გამოწერა
НовостиTelegram
გოგონას ოპერაცია მარდალეიშვილის ცენტრში ჩაუტარდა, რის შემდეგაც ტკივილი სულ უფრო ძლიერდებოდა
თბილისი, 21 იანვარი – Sputnik. ექიმებმა 22 წლის გოგონას მუცლის ღრუში ქირურგიული მაკრატელი აღმოაჩინეს, რომელიც მან სამი თვე ატარა.
ტელეკომპანია „იმედის“ ინფორმაციით, გოგონას თბილისში, მარდალეიშვილის სახელობის სამედიცინო ცენტრში ოპერაცია ჩაუტარდა. ოპერაციის ჩატარებიდან სამ თვეში გოგონამ კლინიკას ძლიერი ტკივილების გამო მიმართა.
გამოკვლევამ აჩვენა, რომ ექიმებმა მუცლის ღრუში ქირურგიული მაკრატელი ჩაუტოვეს.
მაკრატელი უკვე ამოღებულია, პაციენტი თავს კარგად გრძნობს.
მარდალეიშვილის კლინიკის აღმასრულებელი დირექტორის, გიორგი ლოლაძის განცხადებით, მომხდარზე პასუხისმგებლობა დაეკისრება არამარტო ქირურგს, რომელმაც ოპერაცია ჩაატარა, არამედ ყველა იმ მედმუშაკს, ვინც ამ ოპერაციაში მონაწილეობა მიიღო.
ყველა ახალი ამბავი
0