მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

სტეპლერით შეიარაღებული მამაკაცი მაღაზიის გაძარცვას შეეცადა

© Pixabay / Frantisek_Krejciსტეპლერი
სტეპლერი - Sputnik საქართველო, 1920, 19.01.2023
გამოწერა
თბილისი, 19 იანვარი — Sputnik. ფლორიდაში პოლიციამ საკანცელარიო სტეპლერით „შეიარაღებული“ ახალგაზრდა მამაკაცი დააკავა, რომელიც სასურსათო მაღაზიის გაძარცვას ცდილობდა, იუწყება WFLA.
გავრცელებული ინფორმაციით, 31 წლის პატრიკ ებოტი მაღაზია Publix-ში შევიდა და მოლარეს საკასო ქვითარი მიაწოდა, რომელზეც ეწერა:

„ყურადღებით წაიკითხე: პისტოლეტით ვარ შეიარაღებული. ფული ჩანთაში ჩამილაგე“.

მოლარემ წერილი წაიკითხა და პოლიცია გამოიძახა, ებოტი კი მაღაზიიდან გაიქცა.
სამართალდამცველებმა ის მოგვიანებით დააკავეს ერთ-ერთ ქუჩაზე, როდესაც წერილის გადაგდებას ცდილობდა. სწორედ მაშინ აღმოაჩინა პოლიციამ, რომ ებოტი პისტოლეტით კი არა, ჩვეულებრივი საკანცელარიო სტეპლერით იყო „შეიარაღებული“. მიუხედავად ამისა, პატრიკ ებოტს ბრალი შეიარაღებული ძარცვის მუხლით წაუყენეს.
ყველა ახალი ამბავი
0