მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

NYT: აშშ-ში მიაჩნიათ, რომ უკრაინას ყირიმზე დარტყმისთვის იარაღი უნდა მიაწოდონ

© AP Photo / Jon Elswick
  - Sputnik საქართველო, 1920, 19.01.2023
გამოწერა
НовостиTelegram
თბილისი, 19 იანვარი — Sputnik. აშშ-ის პრეზიდენტ ჯო ბაიდენის ადმინისტრაცია იხრება იმ აზრისკენ, რომ უკრაინელმა სამხედროებმა უნდა მიიღონ ყირიმის ტერიტორიაზე დარტყმების შესაძლებლობა, რითაც მომავალ მოლაპარაკებებში ბევრად ხელსაყრელ პოზიციას უზრუნველყოფენ თავისთვის, წერს გაზეთი The New York Times წყაროზე დაყრდნობით.

„უკრაინის ხელისუფლებასთან რამდენიმეთვიანი დისკუსიების შემდეგ ბაიდენის ადმინისტრაცია საბოლოოდ იწყებს იმის აღიარებას, რომ კიევს შესაძლოა სჭირდებოდეს სამხედრო საშუალებები ყირიმზე დარტყმისთვის, იმ შემთხვევაშიც კი, თუ ეს ნაბიჯი გაზრდის ესკალაციის რისკს“, – ნათქვამია სტატიაში.

როგორც გამოცემა აღნიშნავს, რუსეთ-უკრაინის კონფლიქტის დაწყებიდან ადმინისტრაციის წარმომადგენლებს მკაცრი პოზიცია ეკავათ და უარს ამბობდნენ კიევისთვის ყირიმის ნახევარკუნძულზე დარტყმებისთვის საჭირო იარაღის მიწოდებაზე, „მაგრამ ახლა ეს პოზიცია რბილდება“.
წყაროების ცნობით, ბაიდენის ადმინისტრაცია მივიდა დასკვნამდე, რომ თუ უკრაინა რუსეთს აჩვენებს, რომ ყირიმზე მის კონტროლს საფრთხე ემუქრება, ეს გააძლიერებს კიევის პოზიციას მომავალ მოლაპარაკებებში.
ამასთან აშშ-ის ოფიციალურ პირებსა და ექსპერტებს მიაჩნიათ, რომ „შიში იმისა, რომ კრემლი საპასუხოდ ტაქტიკურ ბირთვულ იარაღს გამოიყენებს, გაფერმკრთალდა, თუმცა რისკი რჩება“.
ყველა ახალი ამბავი
0