https://sputnik-georgia.com/20230118/strasburgis-sasamartlo-saqartvelosi-jurnalistebis-mimart-zaladobis-faqtebs-ixilavs-274053073.html
სტრასბურგის სასამართლო საქართველოში ჟურნალისტების მიმართ ძალადობის ფაქტებს იხილავს
სტრასბურგის სასამართლო საქართველოში ჟურნალისტების მიმართ ძალადობის ფაქტებს იხილავს
Sputnik საქართველო
მოსარჩელეები მიიჩნევენ, რომ 2021 წლის ზაფხულში მათ მიმართ დაირღვა ადამიანის უფლებათა კონვენციის მუხლები. 18.01.2023-ს, Sputnik საქართველო
2023-01-18T21:16+0400
2023-01-18T21:16+0400
2023-01-18T23:03+0400
ახალი ამბები
საქართველო
პოლიტიკა საქართველოში
გახმაურებული სასამართლო პროცესები
https://cdnn1.img.sputnik-georgia.com/img/23428/88/234288801_0:203:3888:2390_1920x0_80_0_0_31da09a525383eecab4fc871d562fd20.jpg
თბილისი, 18 იანვარი – Sputnik. ადამიანის უფლებათა ევროპული სასამართლო შეუდგა მასმედიის 16 წარმომადგენლის სახელით წარდგენილი სარჩელის განხილვას 2021 წლის 5 ივლისის მოვლენების დროს ჟურნალისტების მიმართ ადამიანის უფლებათა კონვენციის სამი მუხლის დარღვევის თაობაზე, იუწყება საქართველოს ახალგაზრდა იურისტთა ასოციაცია.2021 წლის 5 ივლისს თბილისში იგეგმებოდა ლგბტ-თემის აქცია, რომელიც არ შედგა, ხოლო მათმა მოწინააღმდეგეებმა ჯავრი მასმედიის წარმომადგენლებზე იყარეს – სასტიკად გაუსწორდნენ ყველას, ვისაც ხელში მიკროფონი თუ კამერა ეჭირა. ანალოგიური ანგარიშსწორება ჟურნალისტებზე 6 ივნისსაც მოხდა. ორ დღეში დაშავდა მასმედიის 53 წარმომადგენელი.ჟურნალისტები და ასოციაცია მიიჩნევენ, რომ 2021 წლის 5 ივლისის მოვლენების დროს მათ მიმართ დაირღვა კონვენციის ისეთი მუხლები, როგორიცაა „წამების აკრძალვა“, „დისკრიმინაციის აკრძალვა“, „აზრის გამოხატვის თავისუფლება“, „სამართლებრივი დაცვის ეფექტური საშუალების უფლება“.მოსარჩელეთა აზრით, ხელისუფლებამ ვერ შეძლო 2021 წლის 5 ივლისის ძალადობის აღკვეთა და სათანადო რეაგირების მოხდენა იმაზე, რაც შემდეგ მოხდა.ამავდროულად სარჩელში ყურადღებაა გამახვილებული იმაზე, რომ მაღალი თანამდებობის პირთა განცხადებებმა შეასრულა 5 ივლისის მოვლენების კატალიზატორის როლი.მოსარჩელეთა მტკიცებით, ისინი დაშავდნენ იმის გამო, რომ არიან ხელისუფლებისადმი კრიტიკულად განწყობილი მასმედიის წარმომადგენლები და/ან იმის გამო, რომ ჰომოფობიურმა ჯგუფებმა ისინი ლგბტ-თემთან გააიგივეს.ასოციაციის მონაცემებით, საქმის განხილვის ფარგლებში ადამიანის უფლებათა ევროპულმა სასამართლომ ხელისუფლებას გაუგზავნა ექვსი კითხვა, რომლებზეც მთავრობამ პასუხი 9 მაისამდე უნდა გასცეს.კერძოდ, სასამართლოს აინტერესებს, შეასრულეს თუ არა შესაბამისმა სახელმწიფო ორგანოებმა მოსარჩელეთა დასაცავად პრევენციულ ზომებთან დაკავშირებული ვალდებულებები, ჩატარდა თუ არა სასტიკი მოპყრობის შესახებ და პოლიციის მხრიდან დაცვის არარსებობის შესახებ მოსარჩელეთა განცხადებების ეფექტური გამოძიება.ჟურნალისტებსა და ოპერატორებზე ანგარიშსწორების გამო დააკავეს 27 ადამიანი. მათ ბრალად ედებათ ჟურნალისტისთვის პროფესიულ საქმიანობაში უკანონოდ ხელის შეშლა, დევნა, ჩადენილი ძალადობის მუქარით, ჯგუფურ ძალადობაში მონაწილეობა.2022 წლის მარტში საქართველოს შინაგან საქმეთა მინისტრმა ვახტანგ გომელაურმა განაცხადა, რომ მისი უწყება არ განიხილავდა მასმედიაზე თავდასხმის ალბათობას. მისი სიტყვებით, მთელი ყურადღება გადატანილი იყო ლგბტ-თემის უსაფრთხოების დაცვაზე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, პოლიტიკა საქართველოში, გახმაურებული სასამართლო პროცესები
ახალი ამბები, საქართველო, პოლიტიკა საქართველოში, გახმაურებული სასამართლო პროცესები
სტრასბურგის სასამართლო საქართველოში ჟურნალისტების მიმართ ძალადობის ფაქტებს იხილავს
21:16 18.01.2023 (განახლებულია: 23:03 18.01.2023) მოსარჩელეები მიიჩნევენ, რომ 2021 წლის ზაფხულში მათ მიმართ დაირღვა ადამიანის უფლებათა კონვენციის მუხლები.
თბილისი, 18 იანვარი – Sputnik. ადამიანის უფლებათა ევროპული სასამართლო შეუდგა მასმედიის 16 წარმომადგენლის სახელით წარდგენილი სარჩელის განხილვას 2021 წლის 5 ივლისის მოვლენების დროს ჟურნალისტების მიმართ ადამიანის უფლებათა კონვენციის სამი მუხლის დარღვევის თაობაზე, იუწყება საქართველოს ახალგაზრდა იურისტთა ასოციაცია.
2021 წლის 5 ივლისს თბილისში იგეგმებოდა ლგბტ-თემის აქცია, რომელიც არ შედგა, ხოლო მათმა მოწინააღმდეგეებმა ჯავრი მასმედიის წარმომადგენლებზე იყარეს – სასტიკად გაუსწორდნენ ყველას, ვისაც ხელში მიკროფონი თუ კამერა ეჭირა. ანალოგიური ანგარიშსწორება ჟურნალისტებზე 6 ივნისსაც მოხდა. ორ დღეში დაშავდა მასმედიის 53 წარმომადგენელი.
ჟურნალისტები და ასოციაცია მიიჩნევენ, რომ 2021 წლის 5 ივლისის მოვლენების დროს მათ მიმართ დაირღვა კონვენციის ისეთი მუხლები, როგორიცაა „წამების აკრძალვა“, „დისკრიმინაციის აკრძალვა“, „აზრის გამოხატვის თავისუფლება“, „სამართლებრივი დაცვის ეფექტური საშუალების უფლება“.
მოსარჩელეთა აზრით, ხელისუფლებამ ვერ შეძლო 2021 წლის 5 ივლისის ძალადობის აღკვეთა და სათანადო რეაგირების მოხდენა იმაზე, რაც შემდეგ მოხდა.
ამავდროულად სარჩელში ყურადღებაა გამახვილებული იმაზე, რომ მაღალი თანამდებობის პირთა განცხადებებმა შეასრულა 5 ივლისის მოვლენების კატალიზატორის როლი.
მოსარჩელეთა მტკიცებით, ისინი დაშავდნენ იმის გამო, რომ არიან ხელისუფლებისადმი კრიტიკულად განწყობილი მასმედიის წარმომადგენლები და/ან იმის გამო, რომ ჰომოფობიურმა ჯგუფებმა ისინი ლგბტ-თემთან გააიგივეს.
ასოციაციის მონაცემებით, საქმის განხილვის ფარგლებში ადამიანის უფლებათა ევროპულმა სასამართლომ ხელისუფლებას გაუგზავნა ექვსი კითხვა, რომლებზეც მთავრობამ პასუხი 9 მაისამდე უნდა გასცეს.
კერძოდ, სასამართლოს აინტერესებს, შეასრულეს თუ არა შესაბამისმა სახელმწიფო ორგანოებმა მოსარჩელეთა დასაცავად პრევენციულ ზომებთან დაკავშირებული ვალდებულებები, ჩატარდა თუ არა სასტიკი მოპყრობის შესახებ და პოლიციის მხრიდან დაცვის არარსებობის შესახებ მოსარჩელეთა განცხადებების ეფექტური გამოძიება.
ჟურნალისტებსა და ოპერატორებზე ანგარიშსწორების გამო დააკავეს 27 ადამიანი. მათ ბრალად ედებათ ჟურნალისტისთვის პროფესიულ საქმიანობაში უკანონოდ ხელის შეშლა, დევნა, ჩადენილი ძალადობის მუქარით, ჯგუფურ ძალადობაში მონაწილეობა.
2022 წლის მარტში საქართველოს შინაგან საქმეთა მინისტრმა ვახტანგ გომელაურმა განაცხადა, რომ მისი უწყება არ განიხილავდა მასმედიაზე თავდასხმის ალბათობას. მისი სიტყვებით, მთელი ყურადღება გადატანილი იყო ლგბტ-თემის უსაფრთხოების დაცვაზე.
