საქართველოში ძლიერი ქარია მოსალოდნელი

© photo: Sputnik / Stringerუამინდობა ბათუმში
უამინდობა ბათუმში  - Sputnik საქართველო, 1920, 18.01.2023
გამოწერა
НовостиTelegram
გასულ კვირაში ძლიერმა ქარმა დასავლეთ საქართველოს მოსახლეობას პრობლემები შეუქმნა.
თბილისი, 18 იანვარი — Sputnik. გარემოს ეროვნული სააგენტო საქართველოს მოსახლეობას მიმდინარე კვირის ბოლოსთვის მოსალოდნელი ძლიერი ქარის შესახებ აფრთხილებს.
„20 იანვრიდან 23 იანვრამდე კოლხეთის დაბლობზე, ზემო იმერეთსა და გორი–სურამის გზის მონაკვეთზე დროგამოშვებით იქროლებს აღმოსავლეთის მიმართულების ძლიერი ქარი, რომლის სიჩქარემ შესაძლებელია 30 მ/წმ-ს მიაღწიოს“, – აღნიშნულია ინფორმაციაში.
გასულ კვირაში დასავლეთ საქართველოში ოთხი დღის განმავლობაში ძლიერი ქარი ქროდა. ცალკეულ რაიონებში ქარმა და თოვლმა სერიოზული პრობლემები შექმნა – მოგლეჯილი ხეები, ჩახერგილი გზები, დაზიანებული სახლის სახურავები, ბუნებრივი აირისა და ელექტროენერგიის გარეშე დარჩენილი მოსახლეობა. სტიქიამ ერთი ადამიანის სიცოცხლე იმსხვერპლა, რამდენიმე კი დაშავდა.
საქართველოს სამ რეგიონში – სამეგრელო–ზემო სვანეთში, გურიასა და იმერეთში სტიქიის შედეგად მიყენებულმა ზარალმა 20 მლნ ლარს მიაღწია. აღნიშნულ რეგიონებში ძლიერმა ქარმა ნაწილობრივ ან მთლიანად დააზიანა 4 ათასზე მეტი კერძო სახლის, 380-მდე მრავალსართულიანი შენობის და 200-მდე სახელმწიფო ობიექტის სახურავები.
ყველა ახალი ამბავი
0