მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გარდაიცვალა პლანეტის უხნესი მკვიდრი - ფოტო-ვიდეო

© courtesy of A. Katamadze
  - Sputnik საქართველო, 1920, 18.01.2023
გამოწერა
თბილისი, 18 იანვარი — Sputnik. 118 წლის ფრანგი ლუსილ რანდონი, რომელიც უფრო ცნობილია სახელით „და ანდრე“, 17 იანვარს ძილში გარდაიცვალა, იუწყება AFP.
ლუსილ რანდონი პლანეტის უხნესი მკვიდრი იყო.

„ძალიან სამწუხაროა, მაგრამ მას სურდა თავის საყვარელ ძმასთან შეერთება. მისთვის ეს გათავისუფლებაა“, — განაცხადა მოხუცთა სახლის წარმომადგენელმა, სადაც რანდონი ბოლო წლებში ცხოვრობდა.

ლუსილ რანდონი 1904 წლის 11 თებერვალს დაიბადა სამხრეთ საფრანგეთში. ის გადაურჩა ორ მსოფლიო ომს, ესპანური გრიპის პანდემიასა და COVID-19-ს. 2021 წელს კორონავირუსით დაავადდა, მაგრამ ადვილად გადაურჩა ვირუსს და რეკორდი დაამყარა, როგორც კოვიდისგან განკურნებულმა ყველაზე ხანდაზმულმა ადამიანმა.
ბოლო წლებში ლუსილ რანდონი დაბრმავდა და ინვალიდის ეტლით მოძრაობდა. ის 108 წლამდე მოღვაწეობდა მონასტერში.
რანდონის გარდაცვალების შემდეგ პლანეტის ყველაზე ხანდაზმული ადამიანი ესპანელი მარია ბრაგნას მორერა გახდა, რომელიც 1907 წლის 4 მარტს დაიბადა და ახლა 115 წლისაა.
ყველა ახალი ამბავი
0