თბილისის რამდენიმე ცენტრალურ ქუჩაზე სარემონტო სამუშაოების გამო მოძრაობა შეიზღუდება

© photo: Sputnik / Stringerგზების რემონტი თბილისში
გზების რემონტი თბილისში - Sputnik საქართველო, 1920, 17.01.2023
გამოწერა
НовостиTelegram
თბილისის მერიამ მოძრაობის შეცვლილი სქემა გამოაქვეყნა.
თბილისი, 17 იანვარი – Sputnik. წყალარინების ქსელზე დაგეგმილი სამუშაოების გამო ჩიტაიას ქუჩის ნაწილზე – ფიროსმანისა და ჩიტაიას ქუჩის კვეთიდან ჩიტაიასა და კლდიაშვილის ქუჩის კვეთამდე არსებულ საგზაო მონაკვეთში ავტოტრანსპორტის მოძრაობა დროებით შეიზღუდება, იუწყება თბილისის მერიის პრეს-სამსახური.
ტრანსპორტის მოძრაობა შეიზღუდება 18 იანვრის 10:00 საათიდან 22 იანვრის ჩათვლით.
სამუშაოების მიმდინარეობის პერიოდში ჩიტაიას ქუჩიდან კლდიაშვილის ქუჩის მიმართულებით ავტომობილები გადაადგილებას შეძლებენ ჩიტაიასა და ჩუბინაშვილის ქუჩების გამოყენებით, ხოლო კლდიაშვილის ქუჩიდან ჩიტაიას ქუჩის მიმართულებით გადაადგილება დასაშვები იქნება ნინოშვილისა და მარჯანიშვილის ქუჩების საშუალებით.
დოლიძის ქუჩიდან ავტომობილები კლდიაშვილის ქუჩისკენ მხოლოდ მარჯვნივ მოხვევით გადაადგილდებიან.
მიკროავტობუსები: N416, N436, N462, N477, N490, N517, N507, N522, N529 და ავტობუსები: N362, N368 სადგურის მოედნის მიმართულებით მოძრაობისას, კლდიაშვილის ქუჩის ნაცვლად, გადაადგილდებიან ფიროსმანის ქუჩის გავლით, ხოლო უკუმიმართულებისას სადგურის მოედნიდან გოგოლის ქუჩით დაუკავშირდებიან ფოცხვერაშვილისა და წინამძღვრიშვილის ქუჩებს, გადაადგილდებიან მარჯანიშვილის ქუჩაზე და მარცხნივ მოხვევით ჩიტაიას ქუჩაზე გადაინაცვლებენ, რის შემდეგაც სვლას დადგენილი სქემით გააგრძელებენ.
წყარო - თბილისის მერია
ყველა ახალი ამბავი
0