საქართველოს ორი რეგიონის დამაკავშირებელ გზაზე შეზღუდვები მოხსნილია

© Roads Department of Georgiaთოვლი გზაზე
თოვლი გზაზე - Sputnik საქართველო, 1920, 17.01.2023
გამოწერა
НовостиTelegram
გასულ კვირაში საქართველოს მაღალმთიან რეგიონებში დიდი თოვლი მოვიდა, რის გამოც ავტომობილების მოძრაობა შეიზღუდა.
თბილისი, 17 იანვარი – Sputnik. სამეგრელოსა და სვანეთის დამაკავშირებელი გზის მონაკვეთზე მსუბუქი ავტოტრანსპორტისთვის დაწესებული მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოხსნილია, ნათქვამია საავტომობილო გზების დეპარტამენტის მიერ გავრცელებულ ინფორმაციაში.
შიდასახელმწიფოებრივი მნიშვნელობის ზუგდიდი–ჯვარი–მესტია–ლასდილის საავტომობილო გზის 70–138 კმ (ხაიში–მესტია) მონაკვეთზე მსუბუქი ავტოტრანსპორტის მოძრაობა მხოლოდ მოცურების საწინააღმდეგო ჯაჭვების გამოყენებით იყო დაშვებული.
ახლა ეს შეზღუდვები ჩატარებული გაწმენდითი სამუშაოების შედეგად მოიხსნა.
ამასთან, გზის 30-186 კმ (ჯვარი–უშგული) მონაკვეთზე აკრძალულია მისაბმელიანი, ნახევარმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. ხოლო 138-186 კმ (მესტია–უშგული) მონაკვეთზე მსუბუქი ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. მაღალი გამავლობის ავტოტრანსპორტის (ორი და მეტი წამყვანი ხიდის მქონე) მოძრაობა თავისუფალია.
ამავე საავტომობილო გზის 1-30 კმ (ზუგდიდი–ჯვარი) მონაკვეთზე ავტოტრანსპორტის მოძრაობა თავისუფალია.
წყარო - საავტომობილო გზების დეპარტამენტი
ყველა ახალი ამბავი
0