ქვეყნის პირველი პირები ბუბა კიკაბიძის გარდაცვალების გამო მწუხარებას გამოთქვამენ

© courtesy of Valerya Masalevichვახტანგ კიკაბიძე კლიპის გადაღების დროს
ვახტანგ კიკაბიძე კლიპის გადაღების დროს - Sputnik საქართველო, 1920, 15.01.2023
გამოწერა
НовостиTelegram
ვახტანგ (ბუბა) კიკაბიძე დღეს 84 წლის ასაკში გარდაიცვალა.
თბილისი, 15 იანვარი — Sputnik. საქართველოს პარალამენტის თავმჯდომარე შალვა პაპუაშვილი და თბილისის მერი კახა კალაძე ლეგენდარული ქართველი მომღერლისა და მსახიობის, ბუბა კიკაბიძის გარდაცვალების გამო მწუხარებას გამოთქვამენ.
ვახტანგ (ბუბა) კიკაბიძე დღეს 84 წლის ასაკში გარდაიცვალა.
შალვა პაპუაშვილმა ბუბა კიკაბიძის ოჯახის წევრებსა და ახლობლებს სამძიმარი გამოუცხადა.
„საქართველოს პარლამენტის სახელით მწუხარებას გამოვთქვამ გამორჩეული ქართველის, საქართველოს პარლამენტის უხუცესი წევრის ბუბა კიკაბიძის გარდაცვალების გამო. მისი პერსონაჟების და სიმღერების მიმართ სიყვარულს ქართველი ხალხი უკვე ათწლეულები ატარებს და ეს სიყვარული კიდევ ბევრი ათწლეული გაგვითბობს გულს“, - დაწერა პაპუაშვილმა სოციალურ ქსელში.
კიკაბიძის გარდაცვალების გამო მწუხარება გამოთქვა თბილისის მერმაც.
„დიდია ბუბა კიკაბიძის დამსახურება კინემატოგრაფიაში, ქართული საესტრადო მუსიკის განვითარებაში. იგი იყო არაერთი ჯილდოსა და პრემიის მფლობელი, თუმცა მთავარი ის დიდი სიყვარულია, რაც მაყურებელს და მსმენელს დაუტოვა“, - განაცხადა კახა კალაძემ.
ვარსკვლავის გზა
კინომსახიობი, საესტრადო მომღერალი, სცენარისტი და კინორეჟისორი ვახტანგ (ბუბა) კიკაბიძე 1938 წლის 19 ივლისს თბილისში დაიბადა. იგი 1959-1965 წლებში სწავლობდა თბილისის სახელმწიფო უნივერსიტეტში, 1961-1963 წლებში – უცხო ენათა ინსტიტუტში.
მუსიკამ ბავშვობიდანვე გაიტაცა, მღეროდა და უკრავდა დასარტყამ ინსტრუმენტებზე. ბუბა კიკაბიძე 1959 წლიდან ფილარმონიის არტისტი იყო. რამდენიმე წელში იგი ვოკალურ-ინსტრუმენტულ ანსამბლ „ორერას" სოლისტი გახდა. ვახტანგ კიკაბიძე აგრეთვე მღეროდა ანსამბლებში „დიელო" და „რერო".
„სულ გვშიოდა... 8 კვადრატში ვცხოვრობდით“ – ბუბა კიკაბიძის უცნობი ცხოვრება>>>
კიკაბიძემ კინემატოგრაფიაში მრავალი დაუვიწყარი სახე შექმნა. მას შესრულებული აქვს როლები ფილმებში „არ დაიდარდო", „მე, გამომძიებელი", „წყალწაღებული", „ვერის უბნის მელოდიები", „ფსევდონიმი ლუკაჩი", „თვალი პატიოსანი", „მიმინო", „საკდესი უფლებამოსილია განაცხადოს". ბუბას მამაკაცის როლის საუკეთესო შესრულებისათვის ფილმში „არ დაიდარდო" (1969) საერთაშორისო კინოფესტივალზე „კარტახენა-70" მიღებული აქვს პრემია, ფილმისთვის „მიმინო" კი მან სახელმწიფო პრემია მიიღო.
ვახტან კიკაბიძემ თავისი პირველი ფილმი „იცოცხლე, გენაცვალე" 1981 წელს გადაიღო, მეორე ფილმში „მამაკაცები და სხვები" კი მან მთავარი როლიც შეასრულა.
საინტერესო ფაქტები ვახტანგ კიკაბიძეზე:
მას არაერთი პრემია, პრიზი და ჯილდო აქვს მიღებული, მათ შორის:
ღირსების ორდენი (1994 წ)
ვახტანგ გორგასლის III ხარისხის ორდენი (1997 წ)
ნიკოლოზ სასწაულმოქმედის საერთაშორისო ორდენი (უკრაინა, 1997 წ)
წმინდა კონსტანტინეს რაინდული ოქროს ჯვრის საერთაშორისო ორდენი (რუსეთი, 1998 წ)
პრიზი „ოქროს გრამოფონი" (1998 წ)
1999 წელს გახდა ლეონიდ უტიოსოვის სახელობის პრემიის ლაურეატი.
1999 წელს მოსკოვის „ვარსკვლავების მოედანზე" გაიხსნა მისი სახელობის ვარსკვლავი.
როდესაც ლონდონში ფილმ „აგვისტოს ხუთი დღის" პრემიერა შედგა, მას ესწრებოდა ჰოლივუდელი მსახიობი ენდი გარსიაც, რომელიც ყურადღების ცენტრში იყო. მაგრამ როდესაც ვახტანგ კიკაბიძე შემოვიდა კინოდარბაზში, ქართული დიასპორის წარმომადგენლები ბუბას გარს შემოეხვივნენ. ამის შემხედვარე ენდი გარსიას გაუკვირდა, ვინ არის ეს ვახტანგი, ხალხი მის გამო ასეთ დღეში რომ არისო.
მისი ბიოგრაფია შეტანილია ცნობარში THE INTERNATIONAL WHO"S WHO.
თბილისის საპატიო მოქალაქე გახდა 1998 წელს.
ყველა ახალი ამბავი
0