ძლიერმა ქარმა ქუთაისში 350-ზე მეტი შენობა დააზიანა

© photo: Sputnik / Stringerძლიერი ქარის შედეგები ქუთაისში
ძლიერი ქარის შედეგები ქუთაისში - Sputnik საქართველო, 1920, 14.01.2023
გამოწერა
НовостиTelegram
ადგილობრივი ხელისუფლება ითვლის ზარალს, რათა ძლიერი ქარის შედეგად დაზარალებულ მოსახლეობას დაეხმაროს
თბილისი, 14 იანვარი — Sputnik. ქუთაისში ძლიერმა ქარმა დააზიანა 350-ზე მეტი შენობა, ავტომობილები და სხვადასხვა ინფრასტრუქტურა, განაცხადა ქალაქის მერმა იოსებ ხახალეიშვილმა.
საქართველოს ხელისუფლება მეექვსე დღეა ქვეყანაში უამინდობას ებრძვის. ცალკეულ რეგიონებში ქარმა და თოვლმა შექმნა სერიოზული პრობლემები – მოგლეჯილი ხეები, ჩახერგილი გზები, ბუნებრივი აირისა და ელექტროენერგიის გარეშე დარჩენილი მოსახლეობა.
„დარწმუნებული ვარ, რომ ამინდი მოგვცემს საშუალებას, რომ დათვლილი ზარალი გადავიტანოთ რეალურ დახმარებაში და თითოეულ მოქალაქეს მაქსიმალურად შევუმსუბუქოთ პრობლემები, რომლებიც მათ დღეს აქვთ“, - აცხადებს ქუთაისის მერი იოსებ ხახალეიშვილი.
ხახალეიშვილის თქმით, 24-საათიან რეჟიმში აგრძელებენ მუშაობას საქალაქო სამსახურები, საგანგებო სიტუაციების მართვის სამსახური, „ენერგო-პრო ჯორჯიას“ და „სოკარ ჯორჯია გაზის“ თანამშრომლები. მერმა თავდადებული მუშაობისთვის მათ მადლობა გადაუხადა.
© photo: Sputnik / Stringerძლიერი ქარის შედეგები ქუთაისში
Последствия сильного ветра в Кутаиси - Sputnik საქართველო, 1920, 14.01.2023
ძლიერი ქარის შედეგები ქუთაისში
მოქალაქეების დასახმარებლად ყველა მუნიციპალიტეტში მობილიზებულია შესაბამისი სამსახური.
სინოპტიკოსები გამოდარებას 15 იანვრიდან ელიან. მანამდე კი აღმოსავლეთ საქართველოში გაგრძელდება დიდთოვლობა, დასავლეთში - ძლიერი ქარი.
ყველა ახალი ამბავი
0