The New York Times მოგზაურობის მოყვარულებს საქართველოში სტუმრობას ურჩევს

© courtesy of Faig Huseynovჭავჭავაძეების მამული წინანდალში
ჭავჭავაძეების მამული წინანდალში - Sputnik საქართველო, 1920, 13.01.2023
გამოწერა
НовостиTelegram
კახეთში გაქვთ შესაძლებლობა, აღმოაჩინოთ მეღვინეობის უძველესი ტრადიციები მთის კალთებზე შეფენილ სოფლებსა და მწვანე ველებზე.
თბილისი, 13 იანვარი – Sputnik. ამერიკულმა გამოცემა The New York Times-მა გამოაქვეყნა სტატია სათაურით „52 ადგილი, რომელსაც უნდა ეწვიო 2023 წელს“, სადაც კახეთი შეიტანა.
პუბლიკაციაში აღნიშნულია, რომ საქართველო ღვინის მხარეა და ვიზიტორებს აქ ბევრი საინტერესო და ახალი ელოდებათ. სტატიაში აღნიშნულია, რომ ქართული ღვინის ექსპორტმა აშშ-ში 1 მლნ ბოთლს გადააჭარბა. ყოველწლიურად ეს რიცხვი თითქმის 29%-ით იზრდება.

„ღვინის მოყვარულებს კახეთში, ვაზისუბნისა და კარდენახის მსგავს მამულებში გთავაზობთ დეგუსტაციას – ახალი ღვინოების აღმოჩენის შანსს კავკასიონის მთებში მოქცეული პაწაწინა ქალაქებისა და მწვანე ხეობების ლანდშაფტში. ბევრი ღვინო მზადდება ქვევრში – ტრადიციულ წვეტიან თიხის ჭურჭელში, რომლებიც მიწაშია ჩაფლული“, – ნათქვამია სტატიაში.

ასევე აღნიშნულია, რომ ადგილობრივმა მზარეულებმა კულინარიული კურსების შეთავაზება დაიწყეს, სადაც გურმანებს შეუძლიათ ისწავლონ ხინკლისა და სხვა ეროვნული კერძების მომზადება.
საქართველოს გარდა, სტატიაში საუბარია დიდი ბრიტანეთის, იაპონიის, შოტლანდიის, ახალი ზელანდიის, აშშ-ის, ავსტრალიის, ალბანეთის, ჩინეთის, ნორვეგიის, ბრაზილიის, ინდოეთის, აფრიკის, ინდონეზიის, ესპანეთის, საფრანგეთის, თურქეთის, შვეიცარიის, საბერძნეთის, ლიეტუვის, იტალიის, კანადის, ბოსნია-ჰერცეგოვინის შესახებ.
ეწვიეთ „Sputnik საქართველოს“ Telegram-არხს
ყველა ახალი ამბავი
0