საგარეო სავაჭრო ბრუნვა სამხრეთ კავკასიის ქვეყნებში

გამოწერა
НовостиTelegram
სამხრეთ კავკასიის ქვეყნებში საგარეო სავაჭრო ბრუნვა 2022 წლის იანვარი–ოქტომბრის მონაკვეთში გასული წლის ამავე პერიოდთან შედარებით გაიზარდა.
ყველაზე მაღალი ზრდა დაფიქსირდა აზერბაიჯანში, სადაც საანგარიშო პერიოდის განმავლობაში საგარეო სავაჭრო ბრუნვა 76,8%-ით გაიზარდა და 46,2 მილიარდი დოლარი შეადგინა. აქედან ექსპორტზე მოდის 34,7 მილიარდი დოლარი, ხოლო იმპორტზე – 11,6 მილიარდ დოლარზე მეტი.
სომხეთში საგარეო ბრუნვამ 10,9 მილიარდი დოლარი შეადგინა, რაც 66,4%-ით მაღალია გასული წლის იანვარი–ოქტომბრის პერიოდთან შედარებით. სომხეთიდან ექსპორტმა შეადგინა 4,1 მილიარდი დოლარი, იმპორტმა – 6,8 მილიარდი დოლარი.
რაც შეეხება საქართველოს, საგარეო სავაჭრო ბრუნვა 2022 წლის იანვარი–ოქტომბერში 33,5%-ით აღემატება 2021 წლის ამავე პერიოდს და შეადგენს 15,2 მილიარდ დოლარს. ექსპორტზე გავიდა 4,5 მილიარდი დოლარის პროდუქცია, ხოლო იმპორტზე 10,7 მილიარდი დოლარი დაიხარჯა.
ყველა ახალი ამბავი
0