Праздничное оформление - Sputnik საქართველო, 1920
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

ჯულია რობერტსმა თავისი ნამდვილი გვარი შეიტყო: ვიდეო

© photo: Sputnik / Ekaterina Chesnokova / გადასვლა მედიაბანკში
  - Sputnik საქართველო, 1920, 13.01.2023
გამოწერა
ჯულია რობერტსმა თავისი ნამდვილი გვარი პროგრამა „ფესვების ძიებაში“ შეიტყო, რომლის ვიდეოჩანაწერსაც აქვე გთავაზობთ.
თბილისი, 13 იანვარი — Sputnik. ამერიკელმა მსახიობმა, 55 წლის ჯულია რობერტსმა ოჯახური საიდუმლო გაამხილა: მისი გვარი რობერტსი სულაც არ ყოფილა, წერს გამოცემა Page Six.
გავრცელებული ინფორმაციით, კინოვარსკვლავმა მონაწილეობა მიიღო პროგრამაში „ფესვების ძიება“, რომელსაც ჰარვარდელი პროფესორი, დოქტორი ჰენრი ლუი გეიტსი უძღვება.
სწორედ ამ პროგრამის ფარგლებში აღმოაჩინა მსახიობმა, რომ მის დიდ ბებიას, როდა სატლ რობერტსს ქმრის, უილის რობერტსის გარდაცვალების შემდეგ ცოლიან მამაკაცთან ჰქონია რომანი.

„ჯორჯიის არქივების შესწავლისას აღმოვაჩინეთ, რომ სადღაც 1850-იან წლებში როდა ცოლად გაჰყვა უილის რობერტსს. ჯულია მის გვარს ატარებს, მაგრამ უილისი 1864 წელს გარდაიცვალა, ანუ ათი წლით იმაზე ადრე, ვიდრე როდას ჯულიას დიდი პაპა ჯონი შეეძინებოდა“, — ამბობს ჰენრი ლუი გეიტსი.

შესაბამისად, დადგინდა, რომ უილის რობერტსი ჯულიას წინაპარი ვერ იქნებოდა.
როგორც პროფესორი ამბობს, მსახიობის დნმ შეისწავლა, რათა მისი ბიოლოგიური დიდი პაპა ეპოვა. და იპოვა კიდეც.
„ჩვენ არაერთი დამთხვევა აღმოვაჩინეთ, რომლებიც ჯულიასა და მის ბიძაშვილს ერთ ადამიანთან აკავშირებს: ეს ჰენრი მაკდონალდ მიტჩელი-უმცროსია“, — აცხადებს ჰენრი ლუი გეიტსი.
მანამდე, რამდენიმე თვის წინ ჯულია რობერტსმა თავისი ოჯახის შესახებ კიდევ ერთი ფაქტი შეიტყო. როგორც გაირკვა, მის დაბადებაში დიდი როლი შეასრულეს მარტინ-ლუთერ კინგი-უმცროსმა და მისმა მეუღლემ კორეტა სკოტ კინგმა. სწორედ მათ დაფარეს საავადმყოფოს ხარჯები ჯულიას დაბადებისთვის, ვინაიდან ოჯახს ამის საშუალება არ ჰქონდა.
წყარო: Page Six
ყველა ახალი ამბავი
0