დასავლეთ საქართველოში ქარიშხლისგან მიყენებულ ზარალს ითვლიან

© Poti City Hallქარიშხლის შედეგები ფოთში
ქარიშხლის შედეგები ფოთში - Sputnik საქართველო, 1920, 12.01.2023
გამოწერა
НовостиTelegram
ძლიერმა ქარმა ადგილობრივ მოსახლეობას მრავალი პრობლემა შეუქმნა.
თბილისი, 12 იანვარი — Sputnik. სპეციალური კომისია სისტემატურად ითვლის ზარალს, რომელიც ფოთს ძლიერი ქარის გამო მიადგა, განაცხადა ფოთის მერმა ბექა ვაჭარაძემ ტელეკომპანია „იმედის“ ეთერში.
ფოთში სტიქიის შედეგებს მეორე დღეა ებრძვიან. ძლიერმა ქარმა სახლების ნაწილს სახურავი ახადა, დააზიანა ავტომობილები, წააქცია ხეები, ქალაქის მთავარი საახალწლო ნაძვის ხე, ელექტროგადამცემი ხაზების ბოძები. ქალაქის მოსახლეობის ნაწილი ელექტროენერგიის გარეშე დარჩა.
© Poti City Hallსტიქია ფოთში
Последствия урагана в Поти - Sputnik საქართველო, 1920, 12.01.2023
სტიქია ფოთში
როგორც ვაჭარაძემ აღნიშნა, სტიქიის შედეგად ინფრასტრუქტურას მნიშვნელოვანი ზარალი მიადგა, მათ შორის, დაზიანდა კერძო სახლები, ელექტროგადამცემი ბოძები და კაბელები. უკვე შეიქმნა სტიქიის სალიკვიდაციო კომისია, რომელიც სისტემატურად აღწერს ზარალს, განაცხადა ვაჭარაძემ.
მისი თქმით, ზარალი დაითვლება, რის შემდეგაც მერია უამინდობის შედეგების გამოსასწორებლად ზომებს მიიღებს და ადგილობრივ მოსახლეობაზე კომპენსაციებს გასცემს.
ამას გარდა, ქარიშხლის გამო სამსახურებრივი მოვალეობის შესრულებისას ტრავმები მიიღო ფოთის მერიის თანამშრომელმა. ის ადგილობრივ კლინიკაში მოათავსეს მოტეხილობითა და დაჟეჟილობებით.
მოსახლეობა ფოთის სანაპირო ზონაში შტორმის საფრთხის შესახებ გააფრთხილეს.
ეწვიეთ „Sputnik საქართველოს“ Telegram-არხს
ყველა ახალი ამბავი
0