შემოსავლების სამსახური მოსახლეობას რეგიონებში მოძრავი სერვის-ცენტრებით მოემსახურება

© courtesy of Revenue Serviceშემოსავლების სამსახურის მიკროავტობუსი
შემოსავლების სამსახურის მიკროავტობუსი - Sputnik საქართველო, 1920, 10.01.2023
გამოწერა
НовостиTelegram
შემოსავლების სამსახურის მიკროავტობუსები აღჭურვილია შესაბამისი ტექნიკით და მათ რეგიონების მოსახლეობისთვის გადასახადებთან დაკავშირებული ყველა საჭირო მომსახურების გაწევა შეუძლიათ.
თბილისი, 10 იანვარი – Sputnik. საქართველოს ფინანსთა სამინისტროს შემოსავლების სამსახურის მიკროავტობუსები – RS CAR გადასახადის გადამხდელებს რეგიონებში 10-დან 27 იანვრამდე პერიოდში მოემსახურებიან.
როგორც უწყების განცხადებაშია აღნიშნული, შემოსავლების სამსახურის მოძრავი სერვის-ცენტრი გადასახადის გადამხდელებს 16 ლოკაციაზე მოემსახურება იმ რეგიონებში, სადაც შემოსავლების სამსახურის სერვის-ცენტრები არ არის გახსნილი.
მიკროავტობუსი აღჭურვილია შემოსავლების სამსახურის სერვის-ცენტრებში არსებული ტექნიკური საშუალებებით და გადასახადების გადამხდელებს შესაძლებლობა აქვთ, მათთვის ხელსაყრელ დროსა და სივრცეში, დასახლებული პუნქტიდან გაუსვლელად დროულად მიიღონ სასურველი მომსახურება.
გადასახადების გადამხდელებს შესაძლებლობა ექნებათ მიიღონ სხვადასხვა სახის მომსახურება: კონსულტაცია საქართველოს საგადასახადო კოდექსისა და შესაბამისი ნორმატიული აქტების გამოყენებასთან დაკავშირებით, შემოსავლების სამსახურის ელექტრონული გვერდით სარგებლობის მიზნით ავტორიზაციის შემდგომ განცხადებების მიღება და რეაგირება, მიკრო/მცირე ბიზნესისა და ფიქსირებული გადასახადის გადამხდელის სტატუსის მინიჭება/გაუქმება.
შესაძლებელი იქნება ასევე მაღალმთიანი დასახლების საწარმოს სტატუსის მინიჭების, შეჩერების ან შეწყვეტის თაობაზე განცხადებების მიღება.
მოძრავი სერვის-ცენტრი ასევე შეძლებს საგადასახადო დავალიანების, გადამხდელის რეგისტრაციის, შემოსავლებისა და სხვა ცნობების გაცემას.
ამ ბმულზე შესაძლებელია RS CAR-ის მომსახურების თარიღების, მისამართებისა და სამუშაო საათების გაცნობა.
ყველა ახალი ამბავი
0