მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ირანის სასამართლომ ექს-პრეზიდენტის ქალიშვილს 5 წლით პატიმრობა მიუსაჯა

© photo: Sputnik / Anton Bistrov / გადასვლა მედიაბანკში
  - Sputnik საქართველო, 1920, 10.01.2023
გამოწერა
თბილისი, 10 იანვარი — Sputnik. ირანის სასამართლომ ქვეყნის ყოფილი პრეზიდენტის ჰაშემი რაფსანჯანის ქალიშვილ ფაეზე რაფსანჯანის 5 წლით თავისუფლების აღკვეთა მიუსაჯა ქვეყანაში მიმდინარე მასობრივი საპროტესტო აქციების მხარდაჭერისთვის.
ამის თაობაზე მისი ადვოკატი ნედა შამსი წერს Twitter-ზე.
ადვოკატის ცნობით, 60 წლის ფაეზე, რომელსაც ხელისუფლებამ ეროვნული უსაფრთხოების წინააღმდეგ პროპაგანდასა და ქმედებებში დასდო ბრალი, ჯერ კიდევ გასული წლის სექტემბერში დააკავეს აქციებში მონაწილეობის მოწოდებებისთვის.

„ქალბატონ ფაეზე ჰაშემის წინასწარი განჩინებით 5 წლით პატიმრობა შეეფარდა მისთვის წაყენებული ბოლო ბრალდებების საფუძველზე... განაჩენი საბოლოო არ არის და ამიტომ მისი კომენტირება არაკორექტულია“, — დაწერა შამსიმ.

ადვოკატი განაჩენის გასაჩივრებას გეგმავს, რის შესაძლებლობასაც მას ირანის სასამართლო სისტემა აძლევს.
აღსანიშნავია, რომ ფეაეზე რაფსანჯანისთვის ეს პირველი პატიმრობა არ არის. ირანელი აქტივისტი, ქალთა უფლებების დამცველი და მეჯლისის ყოფილი დეპუტატი, 2012 წელს დააკავეს და ექვსი თვით პატიმრობა მიუსაჯეს „ირანის ისლამური რესპუბლიკის წინააღმდეგ პროპაგანდისთვის“.
მეორედ ფაეზე რაფსანჯანი 2017 წელს დააკავეს და კვლავ ექვსი თვით დააპატიმრეს იმ ცნობების გავრცელებისთვის, რომლებიც ირანის სახელმწიფო მოღვაწეებს „ჩირქს სცხებდა“.
ყველა ახალი ამბავი
0