რუსმა მიტროპოლიტმა უკრაინა ეკლესიის დევნაში დაადანაშაულა

© photo: Sputnik / Stringer / გადასვლა მედიაბანკშიმიტროპოლიტი პაველი
მიტროპოლიტი პაველი - Sputnik საქართველო, 1920, 09.01.2023
გამოწერა
НовостиTelegram
თბილისი, 9 იანვარი — Sputnik. უკრაინის ხელისუფლება ეკლესიას დევნის, კიევ-პეჩორის ლავრის მიძინების საკათედრო ტაძარი „თვითკურთხეულებს“ გადაეცათ, განაცხადა მოსკოვის საპატრიარქოს უკრაინის მართლმადიდებლური ეკლესიის წინამძღვარმა, მიტროპოლიტმა პაველმა.
ამ სიტყვებით გამოეხმაურა ის იმ ფაქტს, რომ ტაძარში საშობაო ლიტურგია უკრაინის საპატრიარქოს მართლმადიდებლური ეკლესიის წინამძღვარმა ეპიფანემ გამართა.
ამასთან რუსმა მიტროპოლიტმა ეპიფანეს „ნამდვილი ეშმაკეული“ უწოდა.

„ჩვენ ათი ათასნი ვიყავით, ისინი – ათასნი, მაგრამ მათ ჰქონდთ ავტომატები, მათ ჰქონდათ პისტოლეტები. ისინი საკუთარი ხალხის წინააღმდეგ შეიარაღდნენ. მე სულელი არ ვარ, რომ სიკვდილზე წასვლის კურთხევა მომეცა თქვენთვის. ამის დრო ჯერ კიდევ არ არის. თითოეული აირჩევს იმ გმირობას, რომელსაც მოისურვებს. წინ კიდევ ბევრია ასეთი“, — მიმართა მრევლს პაველმა საშობაო ღვთისმახურებისას.

მისი თქმით, ქვეყანაში მიმდინარე მოვლენების საფარქვეშ ეკლესიის დევნა დაიწყო, რაც ქრისტეს დევნას ნიშნავს.
უკრაინის საპატრიარქოს მართლმადიდებლური ეკლესია 2018 წელს დაფუძნდა, 2019 წელს მან კონსტანტინოპოლის პატრიარქისგან ავტოკეფალია მიიღო. მოსკოვის საპატრიარქო არ აღიარებს მას და კანონიკურად მხოლოდ მის დაქვემდებარებაში შემავალ უკრაინის მართლმადიდებლურ ეკლესიას მიიჩნევს.
მიმდინარე წლის 7 იანვარს უკრაინის საპატრიარქოს მართლმადიდებლურმა ეკლესიამ პირველად ჩაატარა კიევ-პეჩორის ლავრაში საშობაო ლიტურგია.
ყველა ახალი ამბავი
0