https://sputnik-georgia.com/20230108/ramden-xans-icocxlebt-amas-sublis-naowebi-gikarnaxebt-263138677.html
რამდენ ხანს იცოცხლებთ, ამას შუბლის ნაოჭები გიკარნახებთ: დადგინდა მეცნიერულად
რამდენ ხანს იცოცხლებთ, ამას შუბლის ნაოჭები გიკარნახებთ: დადგინდა მეცნიერულად
Sputnik საქართველო
ფრანგმა მეცნიერებმა ოცწლიანი კვლევის საფუძველზე დაადგინეს, რომ შუბლზე ნაოჭებსა და დღეგრძელობას შორის პირდაპირი კავშირი არსებობს
2023-01-08T11:32+0400
2023-01-08T11:32+0400
2023-08-17T10:48+0400
მსოფლიო დღეს
მსოფლიო მეცნიერული კვლევები
მსოფლიოს ახალი ამბები
ექიმის რჩევები
https://cdnn1.img.sputnik-georgia.com/img/07e5/07/0c/252296451_0:101:1920:1181_1920x0_80_0_0_69b49a42c0dd346abe439aa7a3ed5ff9.jpg
თბილისი, 8 იანვარი — Sputnik. ფრანგმა მეცნიერებმა კვლევა ჩაატარეს იმის დასადგენად, რა კავშირია შუბლზე ნაოჭებსა და ადამიანის სიცოცხლის ხანგრძლივობას შორის, და საინტერესო დასკვნამდე მივიდნენ.ტულუზის უნივერსიტეტის მეცნიერებმა კვლევაში 3.200 კაცი ჩართეს, რომელთა ასაკი 32-დან 62 წლამდე მერყეობდა. სწავლულები მათ მთელი 20 წლის განმავლობაში აკვირდებოდნენ. ამ ხნის განმავლობაში ექსპერიმენტის 233 მონაწილე გარდაიცვალა.სპეციალისტებს აინტერესებდათ, რა კავშირი შეიძლება ჰქონდეს შუბლზე ნაოჭებს, მათ რაოდენობასა და სიღრმეს ადამიანის სიცოცხლის ხანგრძლივობასთან. საცდელ პირებს ქულებით აფასებდნენ: ნული ქულა — ნაოჭების არარსებობას ნიშნავდა, სამი ქულა — ბევრ ღრმა ნაოჭს.საბოლოოდ მეცნიერებმა გააანალიზეს ოცი წლის განმავლობაში თავმოყრილი მონაცემები და დაასკვნეს, რომ ნაადრევი სიკვდილისადმი ადამიანის მიდრეკილება გარკვეული თვალსაზრისით შეესაბამება შუბლზე გაჩენილ ნაოჭებს: რაც უფრო მეტია და ღრმა ნაოჭები, მით უფრო მაღალია იმის რისკი, რომ ადამიანი არც ისე დღეგრძელი აღმოჩნდება.მაგალითად, გაირკვა, რომ ადამიანებს, რომლებიც 2-3 ქულით ფასდებოდნენ, ადრეული სიკვდილის რისკი 10-ჯერ უფრო მაღალი ჰქონდათ, ვიდრე მათ, ვინც ნული ქულით იყო შეფასებული — ანუ ნაოჭები არ ჰქონდა.ამასთან აღინიშნება, რომ მეცნიერები ითვალისწინებდნენ ასაკს, სქესს, განათლებას, თამბაქოს მოწევას, არტერიულ წნევას, გულის კუმშვების სიხშირეს, დიაბეტსა და სისხლში ლიპიდების დონეს.როგორც მეცნიერები აზუსტებენ, ბევრი და ღრმა ნაოჭები ხშირად მეტყველებს იმაზე, რომ ადამიანს გულ-სისხლძარღვთა დაავადებებისკენ აქვს მიდრეკილება. მათი აზრით, სწორედ ამით შეიძლება აიხსნებოდეს კავშირი ნაოჭების არსებობასა და სიკვდილიანობას შორის.ფრანგი მეცნიერების აღმოჩენა ავსებს კვლევათა სერიას, რომელიც გულ-სისხლძარღვთა დაავადებების მომასწავებელ გარეგნულ ნიშნებს ეძღვნება.
https://sputnik-georgia.com/20191121/naoWebi-saxeze-247083178.html
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/07/0c/252296451_106:0:1814:1281_1920x0_80_0_0_1a7ae822da96cab673385a6ed2f25dcc.jpgSputnik საქართველო
media@sputniknews.com
+74956456601
MIA „Rosiya Segodnya“
შუბლის ნაოჭები მეცნიერული კვლევა დღეგრძელობა ხანგრძლივი სიცოცხლე
შუბლის ნაოჭები მეცნიერული კვლევა დღეგრძელობა ხანგრძლივი სიცოცხლე
თბილისი, 8 იანვარი — Sputnik. ფრანგმა მეცნიერებმა კვლევა ჩაატარეს იმის დასადგენად, რა კავშირია შუბლზე ნაოჭებსა და ადამიანის სიცოცხლის ხანგრძლივობას შორის, და საინტერესო დასკვნამდე მივიდნენ.
ტულუზის უნივერსიტეტის მეცნიერებმა კვლევაში 3.200 კაცი ჩართეს, რომელთა ასაკი 32-დან 62 წლამდე მერყეობდა. სწავლულები მათ მთელი 20 წლის განმავლობაში აკვირდებოდნენ. ამ ხნის განმავლობაში ექსპერიმენტის 233 მონაწილე გარდაიცვალა.
სპეციალისტებს აინტერესებდათ, რა კავშირი შეიძლება ჰქონდეს შუბლზე ნაოჭებს, მათ რაოდენობასა და სიღრმეს ადამიანის სიცოცხლის ხანგრძლივობასთან. საცდელ პირებს ქულებით აფასებდნენ: ნული ქულა — ნაოჭების არარსებობას ნიშნავდა, სამი ქულა — ბევრ ღრმა ნაოჭს.
საბოლოოდ მეცნიერებმა გააანალიზეს ოცი წლის განმავლობაში თავმოყრილი მონაცემები და დაასკვნეს, რომ ნაადრევი სიკვდილისადმი ადამიანის მიდრეკილება გარკვეული თვალსაზრისით შეესაბამება შუბლზე გაჩენილ ნაოჭებს: რაც უფრო მეტია და ღრმა ნაოჭები, მით უფრო მაღალია იმის რისკი, რომ ადამიანი არც ისე დღეგრძელი აღმოჩნდება.
მაგალითად, გაირკვა, რომ ადამიანებს, რომლებიც 2-3 ქულით ფასდებოდნენ, ადრეული სიკვდილის რისკი 10-ჯერ უფრო მაღალი ჰქონდათ, ვიდრე მათ, ვინც ნული ქულით იყო შეფასებული — ანუ ნაოჭები არ ჰქონდა.
ამასთან აღინიშნება, რომ მეცნიერები ითვალისწინებდნენ ასაკს, სქესს, განათლებას, თამბაქოს მოწევას, არტერიულ წნევას, გულის კუმშვების სიხშირეს, დიაბეტსა და სისხლში ლიპიდების დონეს.
როგორც მეცნიერები აზუსტებენ, ბევრი და ღრმა ნაოჭები ხშირად მეტყველებს იმაზე, რომ ადამიანს გულ-სისხლძარღვთა დაავადებებისკენ აქვს მიდრეკილება. მათი აზრით, სწორედ ამით შეიძლება აიხსნებოდეს კავშირი ნაოჭების არსებობასა და სიკვდილიანობას შორის.
ფრანგი მეცნიერების აღმოჩენა ავსებს კვლევათა სერიას, რომელიც გულ-სისხლძარღვთა დაავადებების მომასწავებელ გარეგნულ ნიშნებს ეძღვნება.