მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ინფორმაცია უშუალოდ პრეზიდენტისგან: იაპონია G7-ის სამიტზე ზელენსკის მიწვევას გეგმავს

© AP Photo / Nariman El-Mofty
  - Sputnik საქართველო, 1920, 02.01.2023
გამოწერა
НовостиTelegram
თბილისი, 2 იანვარი — Sputnik. იაპონია აპირებს, მიიწვიოს უკრაინის პრეზიდენტი ვოლოდიმირ ზელენსკი G7-ის სამიტში ონლაინ-ფორმატში მონაწილეობის მისაღებად, რომელიც 19-21 მაისს გაიმართება ჰიროსიმაში, იტყობინება გაზეთი Nikkei.
გამოცემის ინფორმაციით, იაპონიას, როგორც „დიდი შვიდეულის“ თავმჯდომარე ქვეყანას, სურს შექმნას პირობები ინტენსიური დისკუსიებისთვის რუსეთ-უკრაინის კონფლიქტთან დაკავშირებით.
პრემიერ-მინისტრ ფუმიო კიშიდას სურს, რომ ვოლოდიმირ ზელენსკისგან პირადად მოისმინოს ინფორმაცია ქვეყანაში არსებული ვითარების შესახებ.
გარდა ამისა, G7-ის წევრები აპირებენ იმსჯელონ სასურსათო და ენერგეტიკული უსაფრთხოების თემაზეც, რომელიც რუსეთ-უკრაინის კონფლიქტის დაწყების შედეგად გახდა აქტუალური.
გამოცემა ასევე აღნიშნავს, რომ უკრაინასთან დაკავშირებით, „დიდი შვიდეულის“კოორდინირებული ქმედებები მნიშვნელოვანი საკითხია იაპონიისთვის, რომელიც შესაძლოა, ჩათრეული აღმოჩნდეს ტაივანის გარშემო კონფლიქტში.
იაპონიის ხელისუფლებაში მიჩნიათ, რომ ჩინეთთან კონფლიქტის შემთხვევაში ისეთივე ოპერატიული და მკაცრი პასუხებია აუცილებელი აშშ-სთან და ევროპასთან ერთად, როგორც ეს უკრაინაში რუსეთის შეჭრის შემდეგ, მოსკოვთან მიმართებაში მოხდა.
წყარო: Nikkei
ყველა ახალი ამბავი
0