ბაიდენმა 2023 ფინანსური წლის ბიუჯეტს მოაწერა ხელი: რას მოხმარდება 1,7 ტრილიონი დოლარი
10:39 30.12.2022 (განახლებულია: 15:48 20.07.2023)
© photo: Sputnik / Stringer
/ გამოწერა
თბილისი, 30 დეკემბერი — Sputnik. აშშ-ის პრეზიდენტმა ჯო ბაიდენმა ხელი მოაწერა ქვეყნის 2023 ფისკალური წლის ბიუჯეტს, რომელიც, სხვა საკითხებთან ერთად, უკრაინის ფინანსურ დახმარებასაც მოიცავს.
ამის შესახებ ნათქვამია ბაიდენის Twitter-ზე.
Today, I signed the bipartisan omnibus bill, ending a year of historic progress.
— President Biden (@POTUS) December 29, 2022
It'll invest in medical research, safety, veteran health care, disaster recovery, VAWA funding – and gets crucial assistance to Ukraine.
Looking forward to more in 2023. pic.twitter.com/KTI1R9qMij
„დღეს მე ხელი მოვაწერე ორპარტიულ კომპლექსურ კანონპროექტს, რომელიც ისტორიული პროგრესის წელს ამთავრებს. ის ითვალისწინებს ინვესტიციებს სამედიცინო კვლევებში, უსაფრთხოებაში, ვეტერანთა ჯანდაცვაში, სტიქიური კატასტროფების შედეგების აღმოფხვრაში, ქალთა მიმართ ძალადობასთან ბრძოლაში და ასევე მოიცავს უკრაინისთვის კრიტიკულად მნიშვნელოვან დახმარებას“, — ნათქვამია აშშ-ის პრეზიდენტის Twitter-აკაუნტზე.
აღსანიშნავია, რომ ბიუჯეტი აშშ-ის მთავრობას სექტემბრის ბოლომდე 1,7 ტრილიონ დოლარს გამოუყოფს, საიდანაც 858 მილიარდი თავდაცვის საჭიროებებისთვის, ხოლო 45 მილიარდი უკრაინის დახმარებისთვისაა განსაზღვრული.
