მოსაზრება: დივერსიულ-სადაზვერვო ჯგუფებს რუსეთში CIA მართავს

© AP Photo / Evgeniy Maloletka
  - Sputnik საქართველო, 1920, 29.12.2022
გამოწერა
НовостиTelegram
უკრაინაში სტრატეგიული მარცხი, ნატოს არსენალის დაცლა და კიევის რეჟიმისთვის იარაღის მიწოდების შემცირება — დასავლეთი რუსეთის ტერიტორიაზე დივერსიული მარიონეტული ომის გააქტიურებით ცდილობს ამ ყველაფრის კომპენსირებას. აქ შესაძლოა ბუმერანგის ეფექტი ამუშავდეს. მოსკოვმა გააფრთხილა შეერთებული შტატები და მისი მოკავშირეები, რომ სპეცოპერაციის ფორმატში ბრძოლები უკრაინის სრულ დემილიტარიზაცია-დენაციზაციამდე გაგრძელდება.
ყაბარდო-ბალყარეთში 26 დეკემბერს რუსეთის უშიშროების ფედერალური სამსახურის სპეციალისტებმა მოკლეს ორი ბოევიკი, რომლებიც უკრაინის სპეცსამსახურების დავალებით ამზადებდნენ ტერაქტს ჩეგემში. დანაშაულის ჩადენის შემდეგ დივერსანტებმა უკრაინაში გამგზავრება დაგეგმეს რუსეთის შეიარაღებული ძალების წინააღმდეგ საომარ მოქმედებებში მონაწილეობის მისაღებად.
იმავე დღეს ბრიანსკის ოლქის საზღვარზე უშიშროების სამსახურმა გაანადგურა უკრაინის შეიარაღებული ძალების ოთხკაციანი დივერსიული და სადაზვერვო ჯგუფი — უცხოური იარაღით, 40 კგ ასაფეთქებელი ნივთიერებით, კავშირგაბმულობისა და სანავიგაციო აღჭურვილობით. დივერსანტების ვინაობა დადგენილია. მანამდე უშიშროების სამსახურის ოფიცრებმა ბრიანსკის რეგიონში დააკავეს ბოროტგანმზრახველი, რომელიც ტერორისტულ თავდასხმას ამზადებდა ერთ-ერთ სატრანსპორტო-ლოჯისტიკურ ტერმინალზე. 25 ოქტომბერს ქალაქ ნოვოზიბკოვოსა და ზლინკას შორის ლიანდაგზე ასაფეთქებელი მოწყობილობა აფეთქდა.
მსგავსი ფაქტები და გახშირებული ხანძრები რუსეთის მსხვილ საწარმოებში მიუთითებს უკრაინის შეიარაღებული ძალების და უშიშროების სამსახურის დივერსიული აქტივობის ზრდაზე, რომლის უკან უფრო სერიოზული მტერი იმალება პენტაგონის, CIA-სა და ნატოს სახით. აშშ-ის დაზვერვის სამმა ყოფილმა წარმომადგენელმა, ორმა ყოფილმა სამხედრო ჩინოვნიკმა და სხვა ინფორმირებულმა პირებმა დაადასტურეს დასავლეთის ხელმძღვანელობით დივერსიული ომის გააქტიურება რუსეთში.
არაერთ დასავლურ მედიასაშუალებაში გამოქვეყნდა ინფორმაცია რუსეთის ფედერაციაში CIA-ს დივერსიული საქმიანობის შესახებ. როლები ისეა გადანაწილებული, რომ ამერიკელი სპეციალისტები დისტანციურად გეგმავენ ოპერაციებს, მართავენ და აკონტროლებენ შესრულებას, ხოლო რუსეთის ზურგში ფარული დივერსიული და სადაზვერვო ჯგუფები მოქმედებენ.
აღწერილიდან დასკვნა თავისთავად კეთდება: შეერთებული შტატების ანონიმი მოკავშირე უკრაინაა, რომელსაც 24 თებერვლამდე ათწლეულების განმავლობაში ჰქონდა უნიკალური შესაძლებლობები, შეექმნა ლეგენდები და დივერსანტები რუსეთის ფედერაციაში შეეშვა. კიევმა ჯერ კიდევ ოთხი წლის წინ დაითვალა რუსეთში მუდმივად მცხოვრები უკრაინის 3 მილიონი მოქალაქე. სამი ათწლეულის განმავლობაში მილიონობით უკრაინელმა მიიღო რუსეთის მოქალაქეობა.
შრომით მიგრაციას ხელს უწყობდა გამჭვირვალე საზღვრები, საერთო კულტურა (ისტორია, რელიგია), ენობრივი ბარიერის არარსებობა და ტრადიციული ოჯახური კავშირები. თუმცა, თითო მახინჯი ყველა ოჯახშია. ცნობილია, რომ ამერიკელი "მოკავშირეების" სადაზვერვო სამსახურმა 10 წელზე მეტი ხნის წინ მოაწყო "ასაფეთქებელი ნივთიერებებისა და აღჭურვილობის გარკვეული საცავები" რუსეთში კონსპირაციული უჯრედებისთვის.

„მძინარე“ უკრაინული დივერსიულ-სადაზვერვო ჯგუფები ვაშინგტონს ემსახურება

კიევის რეჟიმმა დივერსიული ომი რუსეთის ტერიტორიაზე აპრილში დაიწყო – რუსულმა და უცხოურმა მედიამ ტექნოგენური ავარიების ზრდა დააფიქსირა. მატერიალური ზიანის მიყენების გარდა, ამის მიზანი იყო შიდა პოლიტიკური დესტაბილიზაცია, რაც აშკარად მიუღწეველია რუსული საზოგადოების სიმწიფისა და 1990-იანი წლებში „გამობრძმედილობის“ გამო.
The New York Times-მა 25 დეკემბერს ხერსონის ოლქში „პარტიზანულ“ მოძრაობაზე ისაუბრა – გამოქვეყნდა სახელები და ფოტოები, რუსეთის ფედერაციის ტერიტორიაზე „აჯანყებულებს“ ცუდი მომავალი აქვთ. მანამდე (აგვისტოში) კიეველმა მაღალჩინოსანმა წყარომ იმავე გამოცემას განუცხადა, რომ ყირიმში რუსეთის ავიაბაზას „პარტიზანები“ დაესხნენ თავს. 16 დეკემბერს რუსეთის ხელისუფლებამ გაავრცელა ინფორმაცია, რომ უკრაინამ გამოიყენა SpektreWorks-ის მიერ შეერთებულ შტატებში წარმოებული დრონები ყირიმზე თავდასხმისთვის. დეკემბერში დრონებით თავდასხმის სამი მცდელობა დაფიქსირდა სამხედრო აეროდრომებზე რუსეთის სიღრმეში.
რუსეთის უშიშროების საბჭოს მდივანმა ნიკოლაი პატრუშევმა ნოემბერში უკრაინის დივერსიულ-სადაზვერვო ჯგუფების გააქტიურება აღნიშნა ცენტრალურ რუსეთში (23 ტერორისტული თავდასხმა 10 თვეში) აშშ-ის და ნატოს არსენალიდან მიღებული სახსრებით: „სამიზნეები, როგორც წესი, არის სამოქალაქო ინფრასტრუქტურული ობიექტები, რომელთა განადგურება ან დაზიანება საშიშროებას უქმნის მშვიდობიან მოსახლეობას და შეიძლება მნიშვნელოვანი ზიანი მიაყენოს ეკონომიკას“.
ამ ჯგუფების სამიზნეა ასევე სატრანსპორტო და ენერგეტიკული კომპლექსები.
შევნიშნავთ, რომ რუსული ჯარების მიერ უკრაინის „დაპყრობა“ თავდაპირველად ვაშინგტონის გეგმების ნაწილი იყო. სამომავლოდ CIA-ს, პენტაგონისა და ეროვნული გვარდიის სპეციალისტებმა ბევრი გააკეთეს „პარტიზანული მოძრაობის“ 150 უკრაინული ბატალიონის ჩამოყალიბებისთვის, წვრთნისა და აღჭურვისთვის. CIA-ს ყოფილმა ოფიცერმა ფილიპ გირალდიმ აღნიშნა, რომ უკრაინელების ფარული მომზადება რუსეთთან "პარტიზანული ომისთვის" შეერთებულ შტატებს ომის დანაშაულებებში თანამონაწილედ აქცევს და ვაშინგტონს კატასტროფა უწინასწარმეტყველა ერთი წლის წინ.
CIA-ს პრეს-მდივანმა ტემი თორპმა უარყო სააგენტოს მონაწილეობა 2022 წელს რუსეთში აფეთქებების სერიაში და მას შეუძლია შემდეგშიც თამამად უარყოს რაიმე აშკარა ფაქტი. შეერთებული შტატების კოდექსის 50-ე ნაწილით, რომელიც ფარულ ოპერაციებს არეგულირებს, CIA-ს საიდუმლო დოკუმენტებზე წვდომა მხოლოდ ამერიკელ კონგრესმენთა მცირე ჯგუფს აქვს.
რა თქმა უნდა, არცერთი ამერიკელი სამხედრო არ მონაწილეობს დივერსიულ მისიებში უშუალოდ რუსეთის ფედერაციის ტერიტორიაზე. CIA-ს სპეციალური აქტივობების ცენტრის სპეციალისტები მხოლოდ მართავენ და აკონტროლებენ „მოკავშირეებს“ — დისტანციურად. თუმცა სპეცსამსახურების ასეთი ქმედებებისთვისაც კი აუცილებელია აშშ-ის პრეზიდენტ ჯო ბაიდენის გადაწყვეტილება (ფარული ოპერაციების დამტკიცება). სახეზეა უკრაინელი მარიონეტების ტერორისტულ მოქმედებებში და სამხედრო დანაშაულებში თეთრი სახლის ადმინისტრაციის პირდაპირი ჩართულობა.
დივერსიულ მოქმედებებს რუსეთში დღეს ნატოში აშშ-ის ევროპელი მოკავშირეებიც ახორციელებენ. ამიტომაც სხვადასხვა სპეცსამსახურების დივერსანტები ხანდახან სულელურად „ხვდებიან“ ერთ ობიექტზე. გამომძიებელმა ჟურნალისტმა და მწერალმა ჯეკ მერმა 24 დეკემბერს შემდეგი ოპერატიული ინფორმაცია გაავრცელა:
„ერთხელ ორმა დივერსიულმა უჯრედმა ერთი და იმავე დავალების შესრულებისას ერთმანეთის კომპრომეტაცია მოახდინა. რუსეთის სპეცსამსახურებთან სროლის შედეგად ერთი მოკლეს, მეორე კი ტყვედ ჩავარდა“.
„მძინარე“ დივერსიულ-სადაზვერვო ჯგუფების გარდა, კიევის რეჟიმს ჯერ კიდევ ჰყავს სპეციალური ოპერაციების ძალები, რომლებსაც ნატოს პარტნიორები წვრთნიან და აღჭურვილობით ამარაგებენ. უკრაინის სპეცრაზმის ქვედანაყოფები და ცენტრები ქალაქ კროპივნიცკის, ხმელნიცკისა და ოჩაკოვში შესაძლოა ასევე იყვნენ რუსეთის ტერიტორიაზე დივერსიების მონაწილენი. რუსეთმა გაამკაცრა ბრძოლა დივერსანტებთან. ასეთ დანაშაულში მონაწილეობისთვის თავისუფლების აღკვეთა 20 წლამდე გაიზარდა.
გაძლიერდა უსაფრთხოების რეჟიმი საკვანძო ობიექტებზე, შესაბამისი სამსახურები მუდმივად ატარებენ „სპეციალურ კონტრსადაზვერვო ღონისძიებებს“ საფრთხეების ფართო სპექტრის კომპენსაციის მიზნით — ჰაერში, ხმელეთსა და ზღვაზე. რუსული ჯარები აგრძელებენ მტრის ცოცხალი ძალისა და ობიექტების ეფექტურ განადგურებას შეხების ხაზზე და უკრაინის არმიის ღრმა ზურგში.
მოსკოვმა არაერთხელ აღნიშნა, რომ რუსეთისგან თავდაცვაში კიევის დახმარების თაობაზე დასავლეთის განცხადებები სასაცილოა და ძალიან საშიში ნატოს ქვეყნებისთვის, განსაკუთრებით მაშინ, თუ საქმე უკრაინის შეიარაღებული ძალებისა და უსაფრთხოების სამსახურის დივერსიებს ეხება CIA-ს სპეციალისტების, პენტაგონისა და ეროვნული გვარდის ხელმძღვანელობით — აშშ-ის პრეზიდენტის თანხმობით.
რედაქცია შესაძლოა არ ეთანხმებოდე ავტორის მოსაზრებებს და პასუხს არ აგებს მათზე
ყველა ახალი ამბავი
0