სხდომები გააცდინეს: „ურჩ" დეპუტატებს ხელფასიდან 80 ათასი ლარი დაექვითათ

© photo: Sputnik / Stringerპარლამენის სხდომათა დარბაზი
პარლამენის სხდომათა დარბაზი - Sputnik საქართველო, 1920, 29.12.2022
გამოწერა
НовостиTelegram
თბილისი, 29 დეკემბერი – Sputnik. მიმდინარე წლის განმავლობაში საპარლამენტო და საკომიტეტო სხდომების არასაპატიო მიზეზით გაცდენების გამო დეპუტატებისთვის ხელფასიდან დაქვითული თანხა 80 ათასს ლარს შეადგენს, განაცხადა პარლამენტის თავმჯდომარემ შალვა პაპუაშვილმა.
დეპუტატის ხელფასი 4,6 ათასი ლარია. კომიტეტების თავმჯდომარეები და უმრავლესობისა და უმცირესობის ლიდერები 5,5 ათას ლარს იღებენ, პარლამენტის თავმჯდომარე – 6,7 ათას ლარს. პარლამენტის კომიტეტისა და პლენარული სხდომების არასაპატიო მიზეზით გაცდენის გამო პარლამენტის წევრებს ხელფასის 10% უკავდება.

„დეპუტატებისთვის ხელფასიდან დაქვითულმა თანხამ მთლიანობაში 80 ათასი ლარი შეადგინა. საინტერესოა ის ფაქტი, რომ ამ თანხის 77% პარლამენტის ოპოზიციონერ დეპუტატებზე მოდის, რაც დაახლოებით 60 ათასი ლარია. ჩვენ მივმართეთ ხაზინადართა საბჭოს. საბჭოს გადაწყვეტილებით, პარლამენტის წევრების დაქვითული ხელფასი საქველმოქმედო ღონისძიებებს მოხმარდება“, – განაცხადა პაპუაშვილმა.

საქართველოს პარლამენტში ამჟამად სულ 141 დეპუტატია, საიდანაც 83 საპარლამენტო უმრავლესობის წევრი, 58 კი ოპოზიციონერი დეპუტატია. ოპოზიციონერი დეპუტატებიდან 23 არცერთ ფრაქციაში და პოლიტიკურ ჯგუფში არ შედის.
ყველა ახალი ამბავი
0