საქართველოში ყველა ღვინის სასმელი, ღვინისა და ჭაჭის მსგავსად, ხარისხზე შემოწმდება

© courtesy of Georgian unique wineგოგონა და ღვინო
გოგონა და ღვინო - Sputnik საქართველო, 1920, 28.12.2022
გამოწერა
НовостиTelegram
სასმელები ბაზარზე შესვლამდე ან ექსპორტამდე ლაბორატორიაში სავალდებულო შემოწმებას გაივლის.
თბილისი, 28 დეკემბერი – Sputnik. საქართველოში წარმოებული და შემოტანილი ყველა ღვინის სასმელი ხარისხის სავალდებულო კონტროლს დაექვემდებარება – სოფლის მეურნეობის სამინისტროს დადგენილებაში შესაბამისი ცვლილებები უკვე შევიდა ძალაში.
ახალი წესების მიხედვით, ღვინის სასმელები, რომლებიც განკუთვნილია როგორც საქართველოში გასაყიდად, ისე სხვადასხვა ქვეყანაში ექსპორტისთვის, ბაზარზე მოხვედრამდე ან გადაზიდვამდე სავალდებულო ლაბორატორიულ შემოწმებას გაივლის.
ღვინოსთან ერთად, ღვინის სასმელები შემოწმდება შაქრის, ეთილის სპირტის, მჟავისა და გოგირდის დიოქსიდის შემცველობაზე.
ამასთან, კომპანიაზე, რომელიც აწარმოებს ღვინის სასმელებს, ან რომლის საქმიანობაც დაკავშირებულია მათ რეალიზაციასთან, ამიერიდან ღვინის კომპანიებისთვის მოქმედი წესები გავრცელდება.
ამავე დროს კომპანიებს აღარ დასჭირდებათ პროდუქტის შესაბამისობის დეკლარაციის წარდგენა, საკმარისი იქნება ლაბორატორიული კვლევა.
ღვინის სასმელი არის პროდუქტი, რომელიც შეიცავს საბაზისო ხარისხის ღვინოს, წყალს, სპირტს, საღებავებს, შაქარს და სხვა დანამატებს. ამ ტიპის ალკოჰოლს ღვინოზე დაბალი სიმკვრივე და გაჯერება აქვს და არ გამოირჩევა მკვეთრად გამოხატული არომატული ბუკეტით.
ყველა ახალი ამბავი
0