ნოვაკი: გერმანიამ და პოლონეთმა ნავთობის მიწოდებაზე განაცხადები გააკეთეს

© photo: Sputnik / Ilya Pitalev / გადასვლა მედიაბანკშიალექსანდრ ნოვაკი
ალექსანდრ ნოვაკი - Sputnik საქართველო, 1920, 26.12.2022
გამოწერა
НовостиTelegram
თბილისი, 26 დეკემბერი — Sputnik. გერმანიამ და პოლონეთმა გაზსადენ „დრუჟბით“ ნავთობის მიწოდებაზე განაცხადები გააკეთეს, თქვა რუსეთის ვიცე-პრემიერმა ალექსანდრ ნოვაკმა სააგენტო ТАСС-თან ინტერვიუში.

„გერმანიამ და პოლონეთმა, რომლებიც აცხადებდნენ, რომ უარს იტყოდნენ რუსულ ნავთობზე, 2023 წლისთვის განაცხადები გააკეთეს ნავთობის მიწოდებაზე“, — აღნიშნა ნოვაკმა.

თუმცა, მისი თქმით, განაცხადებში მითითებული არ არის, ვის ნავთობზეა საუბარი. გერმანიის მთავრობამ მანამდე გაავრცელა ინფორმაცია, რომ „დრუჟბით“ ყაზახური ნავთობის შეტანას გეგმავს ქვეყანაში და არა რუსულისა.
ვიცე-პრემიერის თქმით, დასავლეთის ქვეყნები ხედავენ, რომ რუსეთი სიძნელეებს უმკლავდება და ამიტომ ახალ-ახალ შეზღუდვებს უწესებენ მას, მაგრამ ეს ყველაფერი ბუმერანგის პრინციპით აისახება თავად დასავლეთზე.
„როდესაც აქვეყნებდნენ პროგნოზებს, რომ ნავთობის ერთი ბარელის ფასი 50-60 დოლარის დიაპაზონში იქნებოდა, დასავლელი პოლიტიკოსების ამ უგუნურ ქმედებებს ვერავინ ივარაუდებდა. თებერვალში ძალაში შევა ემბარგო რუსული ნავთობპროდუქტების ევროპისთვის მიწოდებაზე და ვნახოთ, რა ეღირება იქ დიზელი“, — განაცხადა ნოვაკმა.
მისი თქმით, ის ვერ ხედავს, „რის საფუძველზე შეიძლება დაბრუნდეს ფასები 2021 წლის დასაწყისის დონეზე, როდესაც ათასი კუბომეტრი გაზის ფასი 200-250 დოლარი იყო“. ნოვაკი დარწმუნებულია, რომ ევროპაში ენერგორესურსების ფასები 2023 წელს კვლავაც მაღალი იქნება დეფიციტის გამო.
ყველა ახალი ამბავი
0