ორმაგი მკვლელობა თბილისში: პოლიციამ უცხო ქვეყნის მოქალაქე დააკავა

© photo: Sputnik / Stringer
  - Sputnik საქართველო, 1920, 25.12.2022
გამოწერა
НовостиTelegram
გამოძიების ინფორმაციით, კვალის დაფარვის მიზნით ეჭვმიტანილმა გარდაცვლილთა ცხედრები შემთხვევის ადგილთან ახლოს დამარხა და მიიმალა.
თბილისი, 25 დეკემბერი — Sputnik. სამართალდამცველებმა თბილისში უცხო ქვეყნის მოქალაქე დამამძიმებელ გარემოებაში ჩადენილი ორი პირის განზრახ მკვლელობის ბრალდებით დააკავეს, იუწყება შსს-ს პრესსამსახური.
გამოძიებით დადგინდა, რომ ბრალდებულმა მიმდინარე წლის 19 დეკემბერს, თბილისში, ფინანსური დავის ნიადაგზე, ცივი იარაღისა და ბლაგვი საგნის გამოყენებით, სასიკვდილო დაზიანებები მიაყენა ცოლ-ქმარს: 1986 წელს დაბადებულ დ.ბ.-ს და 1981 წელს დაბადებულ უცხო ქვეყნის მოქალაქე ჩ.კ.-ს.
35 წლის ჰ.მ.-მ, კვალის დაფარვის მიზნით, გარდაცვლილთა ცხედრები შემთხვევის ადგილთან ახლოს დამარხა და მიიმალა. სამართალდამცველებმა, ჩატარებული ოპერატიულ-სამძებრო და საგამოძიებო მოქმედებების შედეგად, დანაშაულის ჩამდენი პირის ვინაობა მალევე დაადგინეს და თბილისში დააკავეს.
დანაშაული 16-დან 20 წლამდე ან უვადო თავისუფლების აღკვეთას ითვალისწინებს.
ყველა ახალი ამბავი
0