ზელენსკის ვაშინგტონში ვიზიტზე კრემლში კომენტარი გაკეთდა

© photo: Sputnik / Natalya Seliverstova
  - Sputnik საქართველო, 1920, 22.12.2022
გამოწერა
НовостиTelegram
თბილისი, 22 დეკემბერი — Sputnik. კრემლი სინანულით აღნიშნავს, რომ აშშ-ის და უკრაინის პრეზიდენტები არ არიან მზად, გაითვალისწინონ რუსეთის შფოთვები და მსოფლიოს მოწოდებები, განაცხადა რუსეთის პრეზიდენტის პრეს-მდივანმა დმიტრი პესკოვმა.
ვოლოდიმირ ზელენსკიმ, რომელიც შეერთებულ შტატებში იმყოფებოდა ოფიციალური ვიზიტით, ჯო ბაიდენთან შეხვედრის შემდეგ გამართულ პრესკონფერენციაზე აღნიშნა, რომ არ იცის, როგორ გამოიყურება „სამართლიანი მშვიდობა“ რუსეთთან ერთად, როდესაც მისთვის, როგორც პრეზიდენტისთვის, უკრაინის მიწების, ტერიტორიული მთლიანობისა და სუვერენიტეტის საკითხებში არანაირი კომპრომისები არ არსებობს.

„რაღა თქმა უნდა, თვალს ვადევნებდით, ვეცნობოდით ინფორმაციას. ჯერჯერობით შეგვიძლია მხოლოდ სინანულით აღვნიშნოთ ის ფაქტი, რომ არც პრეზიდენტ ბაიდენის მხრიდან და არც პრეზიდენტ ზელენსკის მხრიდან არ გამოთქმულა თუნდაც ერთი სიტყვა, რომელიც რუსეთის შფოთვების გათვალისწინებისთვის პოტენციურ მზადყოფნად შეიძლებოდა აღქმულიყო“, — თქვა პესკოვმა.

ამასთან კრემლის წარმომადგენელს მიაჩნია, რომ შეერთებული შტატები, უკრაინისთვის შეიარაღების მიწოდებით, „ბოლო უკრაინელამდე“ განაგრძობს რუსეთთან დე-ფაქტო და უშუალო ბრძოლას, რაც უკრაინელი ხალხის ტანჯვას ახანგრძლივებს.
ყველა ახალი ამბავი
0