მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

სტეფან დიუჟარიკი: გაეროს სურს, რომ უკრაინაში მშვიდობა მისი წესდების ფარგლებში დამყარდეს

  - Sputnik საქართველო, 1920, 22.12.2022
გამოწერა
НовостиTelegram
თბილისი, 22 დეკემბერი — Sputnik. გაერთიანებული ერების ორგანიზაციაში სურთ, რომ უკრაინაში მშვიდობა მისი წესდების შესაბამისად დამყარდეს, განაცხადა გაეროს გენერალური მდივნის ოფიციალურმა წარმომადგენელმა სტეფან დიუჟარიკმა ბრიფინგზე, რომელიც უკრაინისა და აშშ-ის პრეზიდენტების შეხვედრამდე ერთი საათით ადრე გაიმართა.
ჟურნალისტის შეკითხვაზე, უკრაინისთვის სამხედრო დახმარების ახალი პაკეტის, მათ შორის ამერიკული Patriot-ების გადაცემა, ანტონიუ გუტერეშის აზრით, ქვეყნის კანონიერი დაცვაა თუ ესკალაცია, დიუჟარიკმა განაცხადა:

„ჩვენ გვსურს უკრაინაში მშვიდობა საერთაშორისო სამართლის, გაეროს წესდების ფარგლებში ვიხილოთ. ჩვენ ვნახეთ, როგორ მწვავდებოდა ეს კონფლიქტი. ჩვენ ვხედავთ, როგორ იტანჯება სულ უფრო და უფრო მეტი ადამიანი. ჩვენი სურვილია, რომ კონფლიქტი „[გაეროს] წესდების პარამეტრების ფარგლებში შეწყდეს“.

გავრცელებული ინფორმაციით, შეერთებული შტატები უკრაინას დაახლოებით 1,85 მილიარდი დოლარის ახალ სამხედრო დახმარებას გამოუყოფს, რომელიც ასევე მოიცავს სარაკეტო-საზენიტო კომპლექს Patriot-ებს, რასაც მანამდე ითხოვდა კიევი. როგორც სახელმწიფო დეპარტამენტის დოკუმენტებიდან ირკვევა, აქედან 1 მლრდ უკრაინას დიპლომატიური უწყების ხაზით გამოეყოფა, ხოლო 850 მლნ — პენტაგონის ხაზით.
ყველა ახალი ამბავი
0