აზერბაიჯანის პოლიციამ საქართველოდან შეტანილი საახალწლო პიროტექნიკა ამოიღო

© photo: Sputnik / Stringerპიროტექნიკა
პიროტექნიკა - Sputnik საქართველო, 1920, 22.12.2022
გამოწერა
НовостиTelegram
საახალწლო დღესასწაულების წინ აზერბაიჯანის სამართალდამცველებმა გააძლიერეს ბრძოლა პიროტექნიკის უკანონო გავრცელება-გამოყენების წინააღმდეგ
თბილისი, 22 დეკემბერი - Sputnik. აზერბაიჯანის სამართალდამცავმა ორგანოებმა პიროტექნიკის უკანონო გავრცელების წინააღმდეგ ბრძოლის ფარგლებში, წელს პირველად ჩაატარეს ოპერაცია შამქორის რაიონში, იტყობინება Sputnik-აზერბაიჯანი.
მთელი წლის განმავლობაში პოლიციამ არაერთხელ სცადა ფეთქებადი და აალებადი ნივთიერებების და პიროტექნიკური ნაწარმის რეალიზაცია-გამოყენების შეჩერება, რომელიც ხალხის ჯანმრთელობას აზიანებს და საზოგადოებრივ წესრიგს არღვევს.
საგზაო პოლიციის მთავარი სამმართველოსა და შამქორის რაიონის პოლიციის სამმართველოს თანამშრომლებმა ოპერაციის ფარგლებში გამოავლინეს და ამოიღეს 1920 შეკვრა (115,2 ათასი ცალი) პიროტექნიკის ნაწარმი, რომელიც ბაქოში გასაყიდად იყო გამზადებული.
საქონელს ქართულენოვანი მარკირება აქვს და, სავარაუდოდ, აზერბაიჯანში საქართველოს ტერიტორიიდან კონტრაბანდული გზით არის შეტანილი.
აღსთაფის რაიონის მკვიდრის წინააღმდეგ შედგა ოქმი აზერბაიჯანის ადმინისტრაციულ სამართალდარღვევათა კოდექსის 442-ე მუხლით (აკრძალული საქონლის გაყიდვა ან გამოშვება ან აკრძალული სამუშაოების განხორციელება). საქმის მასალები გადაეცა სასამართლოს.
ყველა ახალი ამბავი
0