მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

თეთრმა სახლმა ვაშინგტონში ზელენსკის ვიზიტი დაადასტურა

  - Sputnik საქართველო, 1920, 21.12.2022
გამოწერა
НовостиTelegram
თბილისი, 21 დეკემბერი — Sputnik. უკრაინის პრეზიდენტი ვოლოდიმირ ზელენსკი აშშ-ის პრეზიდენტ ჯო ბაიდენთან პირადად შეხვედრისას ბრძოლის ველზე არსებულ სტრატეგიულ ვითარებაზე, ასევე დასავლურ დახმარებასა და ანტირუსულ სანქციებზე იმსჯელებს, განაცხადეს თეთრ სახლში.
როგორც ბაიდენის ადმინისტრაციის მაღალჩინოსანმა წარმომადგენელმა განმარტა, ზელენსკი ასევე წარდგება კონგრესის ორივე პალატის წინაშე.

„პრეზიდენტ ბაიდენის მოწვევით პრეზიდენტი ზელენსკი ოთხშაბათს ეწვევა ვაშინგტონს. ჩვენ მას ჯერ აქ, თეთრ სახლში მივიღებთ, შემდეგ კი ის კაპიტოლიუმის ბორცვს ეწვევა“, — განაცხადა მაღალჩინოსანმა.

მისი თქმით, თეთრმა სახლმა ზელენსკი ვაშინგტონში გასულ ოთხშაბათს მიიწვია, რასაც უკრაინული მხარე პარასკევს დაეთანხმა, ოფიციალურად კი ვიზიტი კვირას დადასტურდა.
დაახლოებით ერთი საათის წინ უკრაინის პრეზიდენტმა თავადაც დაადასტურა ვაშინგტონში ვიზიტი, რის შესახებაც საკუთარ Twitter-აკაუნტზე დაწერა.
მანამდე მედიასაშუალებებით გავრცელდა ინფორმაცია, რომ ვოლოდიმირ ზელენსკი ვაშინგტონში ამერიკული სამხედრო თვითმფრინავით გაემგზავრა, რომელიც გერმანიაში მდებარე რამშტაინის ბაზიდან აფრინდა.
გავრცელებული ცნობით, უკრაინის პრეზიდენტი კონგრესის წინაშე გამოსვლისას კიევისთვის ახალი სამხედრო დაფინანსების თემას შეეხება. ის მადლობას გადაუხდის ამერიკელ პარტნიორებს დახმარებისთვის და ასევე აუხსნის, რატომ არის საჭირო მეტი დაფინანსება რუსეთისთვის შემდგომი წინააღმდეგობის გასაწევად.
აღსანიშნავია, რომ ეს ვოლოდიმირ ზელენსკის პირველი საზღვარგარეთული ვიზიტია რუსეთ-უკრაინის სამხედრო კონფლიქტის დაწყების შემდეგ.
ყველა ახალი ამბავი
0