დედაქალაქის ცენტრში ტრანსპორტის მოძრაობა ცალმხრივად იზღუდება

© Sputnik / Alexander Imedashviliღამის თბილისი
ღამის თბილისი - Sputnik საქართველო, 1920, 21.12.2022
გამოწერა
НовостиTelegram
როგორც მერიაში განმარტეს, შეცვლილი მარშრუტით იმოძრავებს საზოგადოებრივი ტრანსპორტიც.
თბილისი, 21 დეკემბერი – Sputnik. საახალწლოდ დაგეგმილი ღონისძიებების გამო 21 დეკემბრის 15:00 საათიდან მეტეხის ხიდზე სატრანსპორტო საშუალებების გადაადგილება ცალმხრივად იზღუდება, იუწყება თბილისის მერია.
უწყების ცნობით, შეზღუდვა გორგასლის მოედნიდან მეტეხის ხიდისა და მეტეხის აღმართის მიმართულებით, ასევე მეტეხის აღმართიდან ევროპის მოედნის მიმართულებით იმოქმედებს.

„მტკვრის მარჯვენა სანაპიროზე გორგასლის ქუჩიდან ავტომობილები გადაადგილებას შეძლებენ გორგასლის მოედნისა და კოტე აფხაზის ქუჩის, ასევე თუმანიანის ქუჩიდან გორგასლის ქუჩის მიმართულებით. მარცხენა სანაპიროზე არსებული გვირაბიდან კი ავტომობილები გადაადგილებას როგორც მეტეხის ხიდისა და გორგასლის მოედნის, ისე ღვინის აღმართის საშუალებით შეძლებენ“, – ნათქვამია განცხადებაში.

დაგეგმილი ღონისძიებიდან გამომდინარე, იცვლება საზოგადოებრივი ტრანსპორტი გადაადგილების სქემაც:
ვახტანგ გორგასლის ქუჩიდან, მეტეხის ხიდის ნაცვლად, ავტობუსები: N301, N331, N344, N345, N350, N371 და მიკროავტობუსები: N538, N547, N550, N580 გადაადგილდებას კოტე აფხაზის ქუჩის გავლით შეძლებენ. ხოლო თავისუფლების მოედნიდან მოძრაობას დადგენილი სქემით განაგრძობენ.
ავტობუსებისა და მიკროავტობუსების გადაადგილების შესახებ ინფორმაცია იხილეთ ბმულზე>>>
ყველა ახალი ამბავი
0