მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

თეირანის პასუხი ვაშინგტონს: ირანი ნებართვას არავის დაეკითხება

© photo: Sputnik / Anton Bistrov / გადასვლა მედიაბანკში
  - Sputnik საქართველო, 1920, 19.12.2022
გამოწერა
НовостиTelegram
თბილისი, 19 დეკემბერი — Sputnik. ირანი არავის დაეკითხება ნებართვას რუსეთთან ურთიერთობების გაფართოებაზე, განაცხადა ირანის საგარეო საქმეთა სამინისტროს წარმომადგენელმა ნასერ ქანანიმ.
როგორც გამოცემა The Times of Israel წერს, ქანანიმ ასე უპასუხა აშშ-ის ცენტრალური სადაზვერვო სააგენტოს (CIA) თავმჯდომარის უილიამ ბერნსის განცხადებას, რომლის თქმით, ირანსა და რუსეთს შორის სამხედრო თანამშრომლობა რეალურ საფრთხეს უქმნის აშშ-ის მოკავშირეებს ახლო აღმოსავლეთში.
ირანელმა დიპლომატმა ბერნსის განცხადებას უსაფუძვლო უწოდა და აღნიშნა, რომ ეს „ირანის წინააღმდეგ აშშ-ის პროპაგანდისტული ომის“ ნაწილია.

„თეირანი თავისი საგარეო ურთიერთობების დარეგულირებაში დამოუკიდებლად მოქმედებს და არავის ეკითხება ნებართვას. <...> ირანსა და რუსეთს შორის თანამშრომლობა სხვადასხვა სფეროებში, თავდაცვის ჩათვლით, საერთო ინტერესების ფარგლებში ფართოვდება და არ არის მიმართული რომელიმე მესამე ქვეყნის წინააღმდეგ“, — ნათქვამია ქანანის განცხადებაში.

მისი თქმით, „ამერიკელი ოფიციალური პირები კვლავაც განაგრძობენ უსაფუძვლო პოლიტიკური პრეტენზიების გამოთქმასა და უკანონო მოქმედებებს ირანის წინააღმდეგ, რითაც თავდაცვის ჩვეულებრივ საშუალებებსა და რუსეთ-ირანის სამხედრო თანამშრომლობას ეჭვქვეშ აყენებენ“.
მანამდე, მიმდინარე წლის ზაფხულში ცნობილი გახდა, რომ რუსეთმა ირანისგან კამიკაძე-დრონები — Shahed-136 და Mohajer-6 შეიძინა უკრაინის წინააღმდეგ გამოსაყენებლად. ირანის ხელისუფლება დიდი ხნის განმავლობაში არ აღიარებდა ამ ფაქტს და მათ უკრაინას ერთობლივი გამოძიების ჩატარებაც კი შესთავაზეს. თუმცა ნოემბერში ქვეყნის საგარეო საქმეთა მინისტრმა ჰოსეინ ამირ აბდოლაჰიანმა აღიარა, რომ თეირანმა მოსკოვს ნამდვილად მიაწოდა მცირე რაოდენობით დრონები, თუმცა ეს უკრაინაში „სამხედრო სპეცოპერაციის“ დაწყებამდე რამდენიმე თვით ადრე მოხდა.
ყველა ახალი ამბავი
0