დაზუსტდა მესამე კვარტალში ეკონომიკური ზრდის მაჩვენებელი

© photo: Sputnik / Stringerთბილისი
თბილისი - Sputnik საქართველო, 1920, 19.12.2022
გამოწერა
НовостиTelegram
მშპ-ის სტრუქტურაში ყველაზე მაღალი ხვედრითი წილი აქვს ვაჭრობას, უძრავ ქონებასთან დაკავშირებულ ოპერაციებს და გადამამუშავებელ მრეწველობას.
თბილისი, 19 დეკემბერი – Sputnik. მიმდინარე წლის მესამე კვარტალში, გასული წლის ანალოგიურ პერიოდთან შედარებით, რეალური მთლიანი შიდა პროდუქტის (მშპ) ზრდამ 9,8% შეადგინა, ნათქვამია სტატისტიკის ეროვნული სამსახურის „საქსტატის“ მასალებში.
მანამდე გავრცელებული ინფორმაციით, წინასწარი მონაცემებით, მესამე კვარტალში ეკონომიკის ზრდის მაჩვენებელი 9,7% იყო.
მიმდინარე ფასებით მშპ-ის მაჩვენებელმა 2022 წლის მესამე კვარტალში 19,3 მლრდ ლარი შეადგინა. დეფლატორმა აღნიშნულ პერიოდში შეადგინა 9,4%. ერთ სულ მოსახლეზე მშპ-ის მაჩვენებელი 1.851,6 დოლარია (2021 წელს – 1.388,5 დოლარი).
ეკონომიკის რომელი სფეროები იზრდება
2022 წლის მესამე კვარტალში ყველაზე მეტი ზრდა დაფიქსირდა ინფორმაციისა და კომუნიკაციების, კომუნალური მომსახურებისა და სამთო-მოპოვებითი მრეწველობის სფეროებში.
ეკონომიკის სფეროების ტოპ-5 2022 წლის მესამე კვარტალში, რომლებსაც ყველაზე მაღალი ზრდა აქვთ

ეკონომიკის სფერო

ზრდა, %

ინფორმაცია და კომუნიკაცია

74,9

ელექტრო- და გაზმომარაგება

34,7

სამთო-მოპოვებითი მრეწველობა

31,3

ტრანსპორტი და დასაწყობება

29,0

ვაჭრობა

8,8

ვარდნა დაფიქსირდა შემდეგ დარგებში: უძრავ ქონებასთან დაკავშირებული საქმიანობები, სამეცნიერო და ტექნიკური საქმიანობები, ჯანდაცვა და სოციალური სფერო.
მშპ-ის სტრუქტურაში ყველაზე მეტი ხვედრითი წილი უჭირავს ვაჭრობას, გადამამუშავებელ მრეწველობას, უძრავ ქონებასთან დაკავშირებულ ოპერაციებს და მშენებლობას.
ეკონომიკის სფეროების ტოპ-5 მშპ-ის სტრუქტურაში ყველაზე მაღალი ხვედრითი წილით III კვარტალში

ეკონომიკის სფერო

ხვედრითი წილი მშპ-ში, %

ვაჭრობა

14,8

გადამამუშავებელი მრეწველობა

11,4

უძრავ ქონებასთან დაკავშირებული საქმიანობები

9,6

სოფლის მეურნეობა

8,0

მშენებლობა

7,7

ყველა ახალი ამბავი
0