გიჟური იდეები: რუსეთის საგარეო უწყებაში გაზის ზღვრულ ფასზე კომენტარი გაკეთდა

  - Sputnik საქართველო, 1920, 19.12.2022
გამოწერა
НовостиTelegram
თბილისი, 19 დეკემბერი — Sputnik. ევროკავშირის ინიციატივა რუსულ გაზზე ზედა ზღვრული ფასის დაწესებასთან დაკავშირებით ბაზრის კანონებს ეწინააღმდეგება და მათ დეგრადაციას გამოიწვევს, განაცხადა რუსეთის საგარეო უწყების საგანგებო დავალებათა ელჩმა იური სენტიურინმა.

„ამ საკითხზე შესაძლოა სხვადასხვა გიჟური იდეები იყოს. ეს ერთმნიშვნელოვნად ისეთი ზომებია, რომლებიც საბაზროს არ განეკუთვნება. ეს კონტრსაბაზრო ინსტრუმენტებია. ჩემი აზრით, ეს ისეთ უსიამოვნო შედეგს გამოიწვევს, როგორიცაა ბაზრის დეგრადაცია“, — აღნიშნა რუსმა დიპლომატმა.

მისი თქმით, მსგავსი ინიციატივები ბაზრების დესტაბილიზაციას ახდენს და გაურკვევლობის დონეს ზრდის.
მანამდე სააგენტო Bloomberg-მა გაავრცელა ინფორმაცია, რომ დღეს ევროკავშირის ქვეყნების ენერგეტიკის მინისტრები ბუნებრივ აირზე სავარაუდო ზღვრული ფასის დაწევის საკითხს განიხილავენ. როგორც სააგენტო წერს, ჩეხეთმა, რომელიც ამჟამად ევროკავშირის საბჭოს თავმჯდომარეა, სხვა ქვეყნებს ევროკომისიის მიერ მანამდე შეთავაზებული ფასის — ერთ მეგავატ/საათზე 275 ევროს 188 ევრომდე დაწევა შესთავაზა. პრაღის პროექტი გაზის ბაზრის კორექტირებას გულისხმობს იმ შემთხვევაში, თუ კონტრაქტის ფასი, TTF ინდექსის მიხედვით, ერთი თვით ან ერთი წლით ადრე ერთ მვტ/სთ-ზე 188 ევროს აღემატება სამი დღის განმავლობაში.
ყველა ახალი ამბავი
0