საქსტატი: საქართველოში ადგილობრივი ტურისტების რაოდენობა მცირდება

© photo: Sputnik / Alexander Imedashviliქორწინების ცერემონიის ჩასატარებელი ადგილი სათაფლიის კომპლექსის ტერიტორიაზე
ქორწინების ცერემონიის ჩასატარებელი ადგილი სათაფლიის კომპლექსის ტერიტორიაზე - Sputnik საქართველო, 1920, 17.12.2022
გამოწერა
НовостиTelegram
მგზავრობის ძირითადი მიზნები იყო ვიზიტები ნათესავებთან და მეგობრებთან, ასევე შოპინგი.
თბილისი, 17 დეკემბერი — Sputnik. საქართველოში 2022 წლის მესამე კვარტალში ადგილობრივი ტურისტების რაოდენობა 6,7%-ით შემცირდა 2021 წლის ანალოგიურ პერიოდთან შედარებით, ნათქვამია საქართველოს სტატისტიკის ეროვნული სამსახურის „საქსტატის" მასალებში.
უწყების ცნობით, მესამე კვარტალში 1.286,8 ათასმა საქართველოს მოქალაქემ თვეში საშუალოდ განახორციელა 1.470,8 ათასი ვიზიტი ქვეყნის შიგნით, საიდანაც 774,7 ათასი ტურისტული ვიზიტი იყო.
საქართველოში მოგზაური ადგილობრივი მოსახლეობის ძირითადი ნაწილი 31-70 წლისაა. მთავარი მიმართულებაა თბილისი, მეორე ადგილზეა იმერეთისა და რაჭა-ლეჩხუმი და ქვემო სვანეთის რეგიონი ერთად, მესამეზე – ქვემო ქართლი.
2022 წლის მესამე კვარტალში მგზავრობის ძირითადი მიზნები იყო ვიზიტები ნათესავებთან და მეგობრებთან, ასევე შოპინგი და მკურნალობა.
მესამე კვარტალში საქართველოს მოქალაქეების საშუალო ყოველთვიური ხარჯები ქვეყნის შიგნით მოგზაურობაზე ტურისტის სახით 346,3 მლნ ლარს შეადგენს, რაც 8%-ით მეტია 2021 წლის ივლისი-სექტემბრის პერიოდის მაჩვენებელზე. ამასთან ერთი ადამიანის საშუალო ხარჯი 15,5%-ით გაიზარდა და 235,4 ლარს გაუტოლდა.
ხარჯები ძირითადად უკავშირდება საყიდლებს, კვებასა და ტრანსპორტს.
ადგილობრივ ტურისტებს შორის 55,4%-ს ქალები შეადგენენ.
წყარო - საქსტატი
ყველა ახალი ამბავი
0