ვითარება კოსოვოში: სერბეთმა ჯარების შეყვანაზე ნატოში მოთხოვნა გაგზავნა

© photo: Sputnik / Oleg Ivanovსერბი ჯარისკაცები
სერბი ჯარისკაცები - Sputnik საქართველო, 1920, 16.12.2022
გამოწერა
НовостиTelegram
კოსოვოსა და მეტოხიაში კვლავ დაძაბული ვითარებაა. კოსოვოელმა სერბებმა ჩრდილოეთით გზატკეცილებზე ბარიკადები ააგეს და პრიშტინის მოქმედებებს აპროტესტებენ.
თბილისი, 16 დეკემბერი – Sputnik. სერბეთის ხელისუფლებამ ნატოს მისია KFOR-ის სარდლობას კოსოვოსა და მეტოხიაში სერბეთის ჯარისა და პოლიციის შეზღუდული კონტინგენტის შეყვანაზე მოთხოვნა გაუგზავნა, იუწყება სერბეთის რადიო და ტელევიზია.
მანამდე სერბეთის პრეზიდენტმა განაცხადა, რომ ბელგრადი 1 ათასამდე შეზღუდული კონტინგენტის შეყვანაზე გაგზავნიდა მოთხოვნას გაეროს უშიშროების საბჭოს რეზოლუციის (1244) შესაბამისად.

„მერდარის ადმინისტრაციულ პუნქტზე KFOR-ს გადაეცა სერბეთის მთავრობის მოთხოვნა კოსოვოსა და მეტოხიის ტერიტორიებზე სერბული უშიშროების ძალების 100-დან 1.000-მდე თანამშრომლის დაბრუნების შესახებ გაეროს უშიშროების საბჭოს 1244-ე რეზოლუციის შესაბამისად“, – ნათქვამია განცხადებაში.

კოსოვოსა და მეტოხიაში გრძელდება დაძაბული ვითარება. 10 დეკემბერს კოსოვოელმა სერბებმა ჩრდილოეთ მხარეში გზატკეცილებზე ბარიკადები ააგეს. 12 დეკემბრიდან განუსაზღვრელი ვადით შეწყვიტეს მუშაობა სკოლებმა ჩრდილოეთ კოსოვოსა და მეტოხიაში.
ეწვიეთ „Sputnik საქართველოს“ Telegram-არხს
ყველა ახალი ამბავი
0