რიგი „საქართველოს ბანკის“ ძარცვაზე

რიგი „საქართველოს ბანკის“ ძარცვაზე
რიგი „საქართველოს ბანკის“ ძარცვაზე - Sputnik საქართველო, 1920, 15.12.2022
გამოწერა
НовостиTelegram
ახალ ამბებში მუდმივად ვაწყდებით ქვეყნის სხვადასხვა მხარეში ბანკის ძარცვის შემთხვევებს.
ბოლო ასეთი შემთხვევა გუშინ პეკინის გამზირზე მოხდა. ბოროტმოქმედმა შეძლო თანხის გატაცება, თუმცა ის მალევე, „ცხელ კვალზე“ დააკავეს.
საინტერესოა, რომ მძარცველთა სამიზნე რატომღაც ყოველთვის ერთი და იგივე საფინანსო დაწესებულების – „საქართველოს ბანკის“ ფილიალებია. სოციალურ ქსელებში „საქართველოს ბანკს“ სახუმარო სლოგანიც მოუფიქრეს: „სხვა ბანკებიც არსებობს. „საქართველოს ბანკი“.
მცდელობების უმეტესობა მძარცველებისთვის წარუმატებლად მთავრდება – ისინი მალევე ხელბორკილებით მიჰყავთ ხოლმე „დანიშნულების ადგილზე“. თუმცა დაფიქსირდა რამდენიმე დიდი თავდასხმაც, სადაც მონაწილეობდა იარაღი, იყვნენ მძევლები და იყო მოთხოვნების სია.
ყველაზე ხმაურიანი ძარცვა „საქართველოს ბანკის“ ზუგდიდის ფილიალში მოხდა 2020 წლის 21 ოქტომბერს. ბოროტმოქმედი ბანკში შეიჭრა კამუფლაჟითა და შავი ნიღბით, იყო შეიარაღებული ავტომატითა და ხელყუმბარით.
სპეცოპერაცია თითქმის მთელი დღის განმავლობაში გაგრძელდა. საბოლოოდ ბოროტმოქმედმა მიიღო მოთხოვნილი 500 ათასი დოლარი და მიიმალა. მისი დაჭერა დღემდე ვერ მოხერხდა. გამოძიების ცნობით, ეს მძარცველი ბადრი ესებუაა.
ყველა ახალი ამბავი
0