https://sputnik-georgia.com/20221215/parlamenti-devnilebis-sacxovreblit-uzrunvelkopis-regulaciebs-ganixilavs-273074520.html
პარლამენტი დევნილთა საცხოვრებლით უზრუნველყოფის შესახებ ახალ რეგულაციებს განიხილავს
პარლამენტი დევნილთა საცხოვრებლით უზრუნველყოფის შესახებ ახალ რეგულაციებს განიხილავს
Sputnik საქართველო
კანონპროექტის ავტორები მიიჩნევენ, რომ ცვლილებების შედეგად საცხოვრებლის რიგში მდგომი იძულებით გადაადგილებული პირების რაოდენობა შემცირდება. 15.12.2022-ს, Sputnik საქართველო
2022-12-15T10:50+0400
2022-12-15T10:50+0400
2022-12-15T15:52+0400
საქართველო
საქართველოს პარლამენტი
სოციალური სფერო საქართველოში
ახალი ამბები
საზოგადოება
https://cdnn1.img.sputnik-georgia.com/img/24847/48/248474803_0:295:3000:1983_1920x0_80_0_0_059867aeeca647d439de64a7361becae.jpg
თბილისი, 15 დეკემბერი – Sputnik. პარლამენტმა დევნილი მოსახლეობის საცხოვრებლით უზრუნველყოფის თაობაზე „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ კანონში შესატანი ცვლილებები პირველი მოსმენით დაამტკიცა. კანონპროექტს მხარი 80-მა დეპუტატმა დაუჭირა.კანონპროექტის თანახმად, სახელმწიფოს აღარ ექნება 2023 წლის 1 იავრის შემდეგ დაბადებული დევნილის სტატუსტის მქონე პირის გრძელვადიანი საცხოვრებლით უზრუნველყოფის ვალდებულება.2023 წლის 1 იანვრის შემდეგ დაბადებული ის პირები, რომელთა ორივე მშობელი გარდაიცვალა, უზრუნველყოფილი იქნებიან იმ საცხოვრებლით, რაც უნდა მიეღოთ მათ მშობლებს.კანონპროექტის ავტორები მიიჩნევენ, რომ ცვლილებების შედეგად საცხოვრებლის რიგში მდგომი დევნილთა რაოდენობა შემცირდება. ამით სახელმწიფოს წელიწადში საშუალოდ დაეზოგება 106,3 მლნ დოლარი, რომელიც დევნილთათვის საცხოვრებელი ფართის შეძენაზე უნდა დახარჯულიყო.ოფიციალური სტატისტიკით, სახელმწიფომ საცხოვრებელი ფართით 43.809 დევნილი ოჯახი უნდა დააკმაყოფილოს.საქართველოში იძულებით გადაადგილებულ პირთა საცხოვრებელი ფართით უზრუნველყოფის ოთხი ვარიანტი მოქმედებს — სახელმწიფო დევნილებისთვის ბინებს ყიდულობს; მათთვის მრავალბინიან საცხოვრებელ სახლებს აშენებს; თუ დევნილის მიერ დაკავებული საცხოვრებელი ფართი ადგილობრივ ან სახელმწიფო ბალანსზეა, მაშინ სახელმწიფო მათ აღნიშნულ ფართს უკანონებს; თუ დევნილები ცხოვრობენ შენობაში, რომელიც კერძო საკუთრებას წარმოადგენს, მაშინ სახელმწიფო მესაკუთრისგან ფართის გამოსყიდვას აწარმოებს და დევნილებს გადასცემს.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, საქართველოს პარლამენტი, სოციალური სფერო საქართველოში, ახალი ამბები, საზოგადოება
საქართველო, საქართველოს პარლამენტი, სოციალური სფერო საქართველოში, ახალი ამბები, საზოგადოება
პარლამენტი დევნილთა საცხოვრებლით უზრუნველყოფის შესახებ ახალ რეგულაციებს განიხილავს
10:50 15.12.2022 (განახლებულია: 15:52 15.12.2022) კანონპროექტის ავტორები მიიჩნევენ, რომ ცვლილებების შედეგად საცხოვრებლის რიგში მდგომი იძულებით გადაადგილებული პირების რაოდენობა შემცირდება.
თბილისი, 15 დეკემბერი – Sputnik. პარლამენტმა დევნილი მოსახლეობის საცხოვრებლით უზრუნველყოფის თაობაზე „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ კანონში შესატანი ცვლილებები პირველი მოსმენით დაამტკიცა. კანონპროექტს მხარი 80-მა დეპუტატმა დაუჭირა.
კანონპროექტის თანახმად, სახელმწიფოს აღარ ექნება 2023 წლის 1 იავრის შემდეგ დაბადებული დევნილის სტატუსტის მქონე პირის გრძელვადიანი საცხოვრებლით უზრუნველყოფის ვალდებულება.
ასევე საცხოვრებლით არ დაკმაყოფილდებიან პირები, რომელთაც 2023 წლის 1 იანვრამდე შეუსრულდათ 18 წელი. ასეთ პირებს საცხოვრებლის უფლება ექნებათ მხოლოდ როგორც საკუთარი ნათესავების მემკვიდრეებს.
2023 წლის 1 იანვრის შემდეგ დაბადებული ის პირები, რომელთა ორივე მშობელი გარდაიცვალა, უზრუნველყოფილი იქნებიან იმ საცხოვრებლით, რაც უნდა მიეღოთ მათ მშობლებს.
კანონპროექტის ავტორები მიიჩნევენ, რომ ცვლილებების შედეგად საცხოვრებლის რიგში მდგომი დევნილთა რაოდენობა შემცირდება. ამით სახელმწიფოს წელიწადში საშუალოდ დაეზოგება 106,3 მლნ დოლარი, რომელიც დევნილთათვის საცხოვრებელი ფართის შეძენაზე უნდა დახარჯულიყო.
ოფიციალური სტატისტიკით, სახელმწიფომ საცხოვრებელი ფართით 43.809 დევნილი ოჯახი უნდა დააკმაყოფილოს.
საქართველოში იძულებით გადაადგილებულ პირთა საცხოვრებელი ფართით უზრუნველყოფის ოთხი ვარიანტი მოქმედებს — სახელმწიფო დევნილებისთვის ბინებს ყიდულობს; მათთვის მრავალბინიან საცხოვრებელ სახლებს აშენებს; თუ დევნილის მიერ დაკავებული საცხოვრებელი ფართი ადგილობრივ ან სახელმწიფო ბალანსზეა, მაშინ სახელმწიფო მათ აღნიშნულ ფართს უკანონებს; თუ დევნილები ცხოვრობენ შენობაში, რომელიც კერძო საკუთრებას წარმოადგენს, მაშინ სახელმწიფო მესაკუთრისგან ფართის გამოსყიდვას აწარმოებს და დევნილებს გადასცემს.
